ءوز سوزىندە شاۆكات راحمونوۆ ءوزىنىڭ تاجىريبەسىمەن ءبولىسىپ, شايقاس بارىسىندا جەڭىسكە كەپىلدىك بەرەتىن «قۇپيالارى» جايلى ايتتى.
«مەن بالا كەزىمنەن سپورتپەن شۇعىلدانامىن, مىندەتتى تۇردە تارتىپكە باعىنىپ, ءوزىمدى كۇندەلىكتى تاربيەلەۋىم كەرەك. وعان قوسا ادامگەرشىلىك قاسيەتتەر جايلى ۇمىتپاۋ كەرەك, قاراپايىم جانە ادال بولۋ ماڭىزدى. ۇلكەندەردىڭ سوزدەرىن تىڭداپ, ولارعا ەرەكشە قۇرمەت كورسەتۋ كەرەك. كوشەدەگى جەكپە-جەككە ۋاقىت جۇمساۋدىڭ قاجەتى جوق, حالىقارالىق ارەنالاردا ەلدىڭ تۋىن كوتەرىپ, دارىپتەۋ ءۇشىن سپورتپەن شۇعىلدانۋ كەرەك», دەدى شاۆكات راحمونوۆ.
قازاقستاندىق فايتەر رەسپۋبليكانىڭ بارلىق وڭىرلەرىنە بارىپ, جانكۇيەرلەرمەن جۇزدەسىپ, جاستاردى جىگەرلەندىرۋدى ۇيعاردى. ونىڭ پىكىرىنشە, مۇنداي ءىس-شارالار قوعامدا سپورتتى ناسيحاتتاۋ جۇمىستارىنا سەپتىگىن تيگىزەدى.
