قاراعاندى وبلىسى توتەنشە جاعدايلار دەپارتامەنتىنىڭ حابارلاۋىنشا, ولاردىڭ قايىقپەن كولىككە بارىپ, ۇيىنە ورالماعانى تۋرالى حابار 31 ناۋرىزدا تۇسكەن. ارىزدانۋشىلاردىڭ ايتۋىنشا, ەكى ەر ادام ءبىر كۇن بۇرىن كەتكەن.
ىزدەستىرۋ-قۇتقارۋ جۇمىستارىن جۇرگىزۋگە قاراعاندى وبلىسى توتەنشە جاعدايلار دەپارتامەنتى پريوزەرسك قالالىق قۇتقارۋ بولىمشەسىنىڭ كۇشتەرى جىبەرىلدى. ىزدەۋ جۇمىستارىنا جەرگىلىكتى تۇرعىندار دا تارتىلدى. جاعالاۋ ايماعى زەرتتەلدى. قۇتقارۋشىلار سۋعا سۇڭگۋ جۇمىستارىن جۇرگىزدى.
توتەنشە جاعدايلار دەپارتامەنتى جەدەل-ىزدەستىرۋ توبى جاعالاۋدان 2 شاقىرىمداي جەردەن 1965 جانە 1988 جىلى تۋعان ەكى ەر ادامنىڭ ءمايىتىن تاپتى.
ءولىمنىڭ ءمان-جايىن پوليتسيا انىقتاپ جاتىر. سوت-مەديتسينالىق ساراپتاما تاعايىندالدى.
