ۇقك ءباسپاسوز قىزمەتىنىڭ مالىمەتىنشە, ءتارتىپ ساقشىلارى قىزىلوردا وبلىسىنىڭ تۇرعىنىن اقبوكەننىڭ ءمۇيىزىن ساتپاق بولعان جەرىنەن ۇستاعان.
«اقبوكەن دەريۆاتىن ءىرى كولەمدە ساتۋ كەزىندە قىزىلوردا وبلىسى ارال اۋدانىنىڭ تۇرعىنى ۇستالدى. بارلىعى 100 كەلىدەن استام اقبوكەن ءمۇيىزى الىندى», دەلىنگەن ۇقك ءباسپاسوز قىزمەتىنىڭ حابارلاماسىندا.
ۇستالعان ادام قاماۋعا الىندى.
«جانۋارلاردىڭ سيرەك كەزدەسەتىن تۇرلەرىمەن نەمەسە ولاردىڭ دەريۆاتتارىمەن اسا ءىرى زالال كەلتىرەتىندەي زاڭسىز اينالىسۋ» بابى بويىنشا (قر قك 339-بابىنىڭ 3-بولىگى) تەرگەۋ باستالدى.
24 ناۋرىزدا ۇقك قىزمەتكەرلەرى «وحوتزووپروم» كاسىپورنىنىڭ قىزمەتكەرلەرىمەن بىرلەسىپ, ورال تۇرعىنىنان بەس قاپ دەريۆاتيۆ تاركىلەدى. ەر ادام بارلىعى 642 اقبوكەن ءمۇيىزىن ساتپاق بولعان.
