قازاقستاندىق تەننيسشى فينالدا الەمنىڭ 12-راكەتكاسى, چەحيالىق پەترا كۆيتوۆامەن كەزدەستى.
قارسىلاستار وسىعان دەيىن ەكى مارتە كەزدەسىپ, ءبىر-بىردەن جەڭىسكە جەتكەن ەدى.
بۇل جولى ءبىرىنشى پارتيادا ەسەپ 4:4 بولعان ساتتە چەحيالىق تەننيسشى برەيك جاساپ كەتكەنىمەن, ەلەنا سول بويدا تارازى باسىن تەڭەستىردى – 5:5. اسا تارتىستى وتكەن تاي-برەيكتە ول بەس سەت-پوينتتى پايدالانا المادى – 6:7 (14:16). 1 ساعات 6 مينۋتقا سوزىلعان ءبىرىنشى سەتتىڭ وزىندە ە.رىباكينا 10 ەيس جاساپ ۇلگەردى.
ەكىنشى سەتتە پ.كۆيتوۆا برەيكپەن العا وزدى – 2:0. اقىرى ول دودانى تاعى ءبىر برەيكپەن تۇيىندەدى – 6:2.
وسىلايشا, ەلەنا رىباكينا مايامي ماستەرس جارىسىنىڭ فينالىنا جەتىپ, جەڭىلىس تاپتى.
1 ساعات 42 مينۋتقا سوزىلعان ماتچتا قازاقستاندىق تەننيسشى 12 ەيس جاساپ, 2 برەيك-پوينتتىڭ بىرەۋىن ءوز ەسەبىنە جازدى. قارسىلاسى 5 ەيس, 3 برەيكپەن (8 برەيك-پوينت) كوزگە ءتۇستى.
