ەلىمىزدە 12 وڭالتۋ ورتالىعى سالىنادى

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرى بويىنشا 2022 جىلى 130 مىڭ ادامعا ارناۋلى الەۋمەتتىك قىزمەتتەر كورسەتىلدى، ونىڭ ىشىندە 10 مىڭنان استام مۇگەدەكتىگى بار ادامعا ەلىمىزدىڭ 32 مەملەكەتتىك وڭالتۋ ورتالىعىندا قىزمەت كورسەتىلگەن. الايدا رەسپۋبليكادا مۇگەدەكتىگى بار ادامداردىڭ جالپى سانى 711 مىڭنان اساتىنىن ەسكەرسەك، جاڭا وڭالتۋ ورتالىقتارىن قۇرۋ وزەكتى ماسەلە بولىپ وتىر.

مەملەكەت باسشىسىنىڭ تاپسىرماسى بويىنشا 2025 جىلعا دەيىن ەلىمىزدىڭ 12 وڭىرىندە (اقمولا، اقتوبە، اتىراۋ، اباي، جەتىسۋ، جامبىل، باتىس قازاقستان، پاۆلودار، تۇركىستان وبلىستارى جانە الماتى، استانا، شىمكەنت قالالارى) ارقايسىسى 150 ورىندىق مۇگەدەكتىگى بار ادامدار ءۇشىن جاڭا ءىرى وڭالتۋ ورتالىقتارىن سالۋ جوسپارلانعان.

وڭالتۋ ورتالىقتارى وڭالتۋ كەزەڭىندە تاۋلىك بويى مۇگەدەكتىگى بار ازاماتتاردى قابىلدايتىن بولادى. جىل سايىن جاڭا زاماناۋي ورتالىقتاردا ءوز دەنساۋلىعىن 1 500–1 800 مۇگەدەكتىگى بار ادام جاقسارتا الادى دەپ كۇتىلۋدە.

«وڭالتۋ ورتالىقتارىنىڭ قۇرىلىسى وڭىرلەردىڭ، ونىڭ ىشىندە شالعايداعى ەلدى مەكەندەردىڭ تۇرعىندارىنىڭ ساپالى ارناۋلى الەۋمەتتىك قر پرەمەر-ءمينيسترى ورىنباسارىنىڭ مىندەتىن اتقارۋشى ا. كولگىنوۆتىڭ توراعالىعىمەن وتكەن كەڭەستە مۇگەدەكتىگى بار ازاماتتارعا ارنالعان وڭالتۋ ورتالىقتارىنىڭ قۇرىلىس بارىسى تالقىلاندى.قىزمەتتەر الۋىنا جاعداي جاسايدى. مۇگەدەكتىگى بار مىڭداعان ادام دەنساۋلىعىن نىعايتىپ، جاعدايىن جاقسارتا الادى. سوندىقتان بۇل جوبالاردى ىسكە اسىرۋ جەرگىلىكتى جانە ورتالىق ورگاندار وكىلدەرىنىڭ ەرەكشە باقىلاۋىندا بولۋى ءتيىس»، دەدى التاي كولگىنوۆ.

ەڭ العاشقى وڭالتۋ ورتالىعى وسى جىلدىڭ باسىندا اباي وبلىسى سەمەي قالاسىندا سالىنىپ، پايدالانۋعا بەرىلدى. جاقىن ارادا الەۋمەتتىك مەكەمەنى كۇتىپ-ۇستاۋعا بيۋدجەتتىك ءوتىنىم جەرگىلىكتى ءماسليحاتتىڭ قاراۋىنا جىبەرىلەتىن بولادى. كەنتاۋ، تاراز جانە اقتوبە قالالارىندا تاعى ءۇش وڭالتۋ ورتالىعىن بيىل، باتىس قازاقستان وبلىسىندا كەلەسى جىلى، ال اقمولا جانە اتىراۋ قالالارىندا 2025 جىلى اياقتاۋ جوسپارلانىپ وتىر.

ەلىمىزدىڭ بەس وڭىرىندە – پاۆلودار، جەتىسۋ وبلىستارىندا، استانا، الماتى، شىمكەنت قالالارىندا قۇرىلىس ءالى باستالعان جوق. وسىعان بايلانىستى ا. كولگىنوۆ ءوڭىر باسشىلارىنا قىسقا مەرزىمدە دايىندىق جۇمىستارىنىڭ بارلىعىن اياقتاۋدى جانە مۇگەدەكتىگى بار ادامدار ءۇشىن وڭالتۋ ورتالىقتارىن سالۋعا بيۋدجەتتىك وتىنىمدەر بەرۋدى تاپسىردى. قر قارجى مينيسترلىگىنە قر ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ، وسى قاجەتتىلىكتەرگە بيۋدجەت قاراجاتىن ءبولۋدى قامتاماسىز ەتۋ تاپسىرىلدى.