شاحمات • 01 ءساۋىر، 2023

ءبيبىسارا اساۋباەۆا ءۇندىستاندا ءتورتىنشى رەت جەڭىسكە جەتتى

507 رەت كورسەتىلدى

قازاقستاندىق شاحماتشى ءبيبىسارا اساۋباەۆا ءۇندىستان استاناسى نيۋ-دەلي قالاسىندا ءوتىپ جاتقان گران-پري ءتۋرنيرىنىڭ ءۇشىنشى كەزەڭىندە ءتورتىنشى جەڭىسىنە قول جەتكىزدى، دەپ حابارلايدى Egemen.kz.

جارىستىڭ التىنشى كەزەڭىندە ءبيبىسارا اساۋباەۆا رەسەيلىك شاحماتشى پولينا شۋۆالوۆادان باسىم ءتۇستى. بۇل – قازاقستاندىق سپورتشىنىڭ اتالعان تۋرنيردەگى ءتورتىنشى جەڭىسى. وسىلايشا، 4 بالل جيناعان ءبيبىسارا تۋرنير كەستەسىندە ءبىرىنشى ورىندا كەلە جاتقان چجۋ تسزينەرگە دە جەتتى. قىتايلىق شاحماتشى ازىرگە بىردە-ءبىر ۇپاي جوعالتقان جوق.

ءبيبىسارا اساۋباەۆا بۇگىن، 1 ساۋىردە ۇندىستاندىق تاجىريبەلى شاحماتشى حامپي كونەرۋمەن كەزدەسەدى. بۇرىن ونىڭ قارسىلاسى ازيا چەمپيونى اتانعان ەدى.

اتالعان تۋرنيردە ءبيبىسارا اساۋباەۆا ءبىر مارتە جەڭىلىپ، رەسەيلىك الەكساندرا گورياچكيناعا ەسە جىبەرىپ قويدى. ال، نينو باتسياشۆيلي (گرۋزيا)، رامەشبابۋ ۆايشالي مەن حاريكوي درونوۆاللي (ەكەۋى دە – ءۇندىستان) سىندى قارسىلاستارىنان باسىم ءتۇستى.

ۇقساس جاڭالىقتار