ءتيىستى نورماتيۆتىك-قۇقىقتىق اكتىنىڭ جوباسى جاريا تالقىلانىپ جاتىر.
بۇل باستاما سوڭعى بىرنەشە جىلدا بيدايدىڭ زاڭسىز اكەلىنۋىنەن زارداپ شەككەن قازاقستاندىق استىق پەن ۇن نارىعىنداعى اعىمداعى جاعدايعا بايلانىستى تۋىندادى.
سالالىق قاۋىمداستىقتاردىڭ دەرەكتەرى بويىنشا «سۇر» يمپورتتىڭ كولەمى جىلىنا 1,5-2 ملن تونناعا جەتەدى, ال مەملەكەتكە كەلتىرىلگەن جالپى شىعىن جىل سايىن 500 ملن دوللار مولشەرىندە باعالانادى.
نارىق قاتىسۋشىلارىنان الىنعان اقپاراتقا سايكەس, كونتراباندالىق استىقتىڭ قوماقتى ۇلەسى اۆتوكولىكپەن يمپورتتالادى. اكەلىنگەن بيداي ققس تولەمەي شارۋا قوجالىقتارىنا جانە جاسىرىن كەرى ەكسپورت تۇرىندە راسىمدەلەدى, ترانزيتتىك تاريف تولەمەي اۋعانستان مەن ورتالىق ازيا ەلدەرىنە جىبەرىلەدى. بۇل رەتتە ىشكى نارىقتا باعانىڭ تومەندەۋى بايقالادى. مىسالى, 2022 جىلدىڭ شىلدە ايىنىڭ باسىنان باستاپ بيدايدىڭ قۇنى تونناسىنا 170-185 مىڭ تەڭگەدەن 80-85 مىڭ تەڭگەگە دەيىن تومەندەدى.
