قازىر اناسىمەن بىرگە اۋرۋحانادا جاتقان 3 جاسار ارمان بىلمەستىكتەن تەجەگىشكە ارنالعان سۇيىقتىق ءىشىپ قويعان. بالا بىردەن اۋىرىپ, اتا-اناسى دابىل قاعىپ, جەدەل جاردەم شاقىرعان. ءبۇلدىرشىن اۋرۋحاناعا جاتقىزىلدى. دارىگەرلەر ءسابيدىڭ اۋىز قۋىسى, وڭەشى جانە اسقازانى قاتتى كۇيىپ قالعانىن انىقتادى.
«مەنىڭ كۇيەۋىم كولىك جوندەۋشى, سوندىقتان بۇل سۇيىقتىق ۇيدە بولدى. ال مەنىڭ بالام ونى ابايسىزدا ءىشىپ قويعان», دەيدى بالانىڭ اناسى.
دارىگەرلەر دە بالاعا قاتتى توكسيكالىق ۋلانۋ دياگنوزىن قويعان. ەمدەۋدەن كەيىن ءسابيدىڭ جاعدايى جاقسارىپ, پالاتاعا اۋىستىرىلدى.
«بالا بىزگە ەكى كۇن بۇرىن كەلدى. قازىر باكتەرياعا قارسى پرەپاراتتار, ءتۇرلى جاقپا مايلار الىپ, ەم قابىلداپ جاتىر», دەيدى گيپەرباريكالىق وتتەگىمەن قامتاماسىز ەتۋ ورتالىعىنىڭ توكسيكولوگى مارات كاكەنوۆ.
ال جۋىردا سىركە قىشقىلىن ىشكەن 5 جاسار بالا اۋىر حالدە گيپەربورلى وتتەگىمەن قامتاماسىز ەتۋ ورتالىعىنا تۇسكەن. ونىڭ اۋزى جانە وڭەشى كۇيىپ قالعان, بىراق قازىر بالا ءوز بەتىمەن تاماقتانىپ جاتىر, جاعدايى قاناعاتتانارلىق.
دارىگەرلەر اتا-انالاردان كاۋستيكالىق سۇيىقتىقتاردى بالالاردىڭ قولى جەتپەيتىن جەردە ساقتاۋدى سۇرايدى.
