قازاقستاندىق تەننيسشى جارتىلاي فينالدا الەمنىڭ 3-راكەتكاسى, امەريكالىق دجەسسيكا پەگۋلامەن شەبەرلىك بايقاستى.
وتكەن جىلى قارسىلاستار مايامي مەن گۆادالاحارا-2 جارىسىندا كەزدەسىپ, ەكەۋىندە دە امەريكالىق تەننيسشى 6:3, 6:4 جانە 2:6, 6:3, 7:6 (10:8) ەسەبىمەن جەڭىسكە جەتكەن ەدى.
بۇل جولى د.پەگۋلا بىردەن برەيكپەن باستادى – 2:0. دەگەنمەن ەلەنا تارازى باسىن تەڭەستىردى – 2:2. بىراق امەريكالىق تەننيسشى قايتا العا كەتتى – 4:2. ول سەتكە دوپ بەرگەندە, ەسەپ قايتا تەڭەستى – 5:5. رىباكينا سول بويدا ءوز گەيمىن بەرىپ قويعانىمەن, قايىرا برەيك جاسادى – 6:6. تاي-برەيكتە ەسەپ 2:2 بولعان مەزەتتە جاڭبىر جاۋىپ كەتتى. ۇزىلىستەن كەيىن تاي-برەيكتە ەلەنا ساتتىرەك وينادى – 7:6 (7:3). بۇدان سوڭ جاڭبىرعا بايلانىستى ماتچ كەيىنگە قالدىرىلدى.
ەكىنشى جارتىلاي فينالدا الەمنىڭ 12-راكەتكاسى, چەحيالىق پەترا كۆيتوۆا مەن رەيتينگتە 74-ورىندا تۇرعان رۋمىنيالىق سورانا كىرستيا وينايدى.
