قازاقستاننىڭ حالىق ءارتiسى - مادەنيەت سالاسىنىڭ ۇزدىك تۇلعالارىنا بەرىلەتىن قۇرمەتتى اتاق.
بۇل ماراپات 1920 جىلدارى بەلگىلەنگەن بولاتىن. «قازاق اكسر حالىق ءارتىسى» اتاعى العاش رەت 1923 - 1924 جىلى ا.ۆ. زاتاەۆيچ پەن ن.پ. اننەنكوۆا بەرنارعا, 1931 جىلى قازاقتىڭ ۇلتتىق پروفەسسيونالدى تەاتر ونەرىنىڭ نەگىزىن سالۋشىلار, اكتەر ەلۋباي ومىرزاقوۆ پەن رەجيسسەر, دراماتۋرگ جۇمات شانينگە بەرىلگەن.
ەگەمەندىك العاننان كەيىن بۇل اتاق 1991 جىلدان «قازاقستاننىڭ حالىق ءارتىسى» دەپ وزگەرتىلدى.
تاۋەلسىزدىك جىلدارىندا مادەنيەت سالاسىنا ەلەۋلى ۇلەس قوسقان ازاماتتار «قازاقستاننىڭ حالىق ءارتىسى» اتاعىمەن ماراپاتتالعان. ولاردىڭ قاتارىندا قازاق بالەت ءارتىسى بولات ايۋحانوۆ, تەاتر جانە كينو ءارتىسى بيكەن ريموۆا, ءانشى روزا رىمباەۆا, ەسكەندىر حاسانعاليەۆ, اكتەر ءارى پروديۋسەر تۇڭعىشباي جامانقۇلوۆ, تەاتر اكتريساسى زامزاگۇل ءشارىپوۆا, روزا اشىربەكوۆا, حابيبا ەلەبەكوۆا, قازاقتىڭ تۇڭعىش كاسىبي ءيلليۋزيونيسى, كورنەكتى ەسترادا-تسيرك ارتىسى سارا قابيعوجينا جانە وسى سىندى تاعى باسقا دا ازاماتتار بار.
بۇگىندە ەلىمىزدە 49 ونەر قايراتكەرى «حالىق ءارتىسى» اتاعىنا يە. ونىڭ 37-ءسى مەملەكەتتىك مادەنيەت مەكەمەلەرىندە جۇمىس ىستەيدى.
1999 جىلى «قازاقستاننىڭ حالىق ءارتىسى» اتاعى الىنىپ تاستالدى.
2014 جىلى تۇڭعىشباي جامانقۇلوۆ بۇل اتاقتى قايتارۋ جونىندە ۇسىنىس بىلدىرگەن.
«مادەنيەت پەن ونەر ادامدارى حالىق سۇيىسپەنشىلىگىنە بولەنۋ ءۇشىن جانىن سالا قىزمەت ەتەدى. ولاردىڭ بيزنەسمەندەر سەكىلدى اقشاسى مەن جيعان-تەرگەنى بولمايدى. ءارتىس ءۇشىن ەڭبەگى جانىپ, اتاق-داڭقى ەلەنىپ جاتسا, ولاردان باقىتتى ادام جوق. سوندىقتان «ەڭبەك سىڭىرگەن ءارتىس» جانە «حالىق ءارتىسى» دەگەن قۇرمەتتى اتاقتاردى بۇرىنعى جۇيەمەن قايتا جاڭعىرتۋ قاجەت», دەدى تۇڭعىشباي جامانقۇلوۆ.
2022 جىلى پرەزيدەنت «قازاقستاننىڭ حالىق ءارتىسى» قۇرمەتتى اتاعىن قايتارۋ تۋرالى مينيسترلىككە تاپسىرما بەرگەن.
ال بۇگىن VIII سايلانعان پارلامەنتتىڭ ءبىرىنشى سەسسياسىندا سويلەگەن سوزىندە «قازاقستاننىڭ حالىق ءارتىسى» اتاعىن قالپىنا كەلتىرۋ تۋرالى شەشىم قابىلداعانىن ايتتى.
