«جاقىندا پرەمەر-ءمينيستردىڭ كانديداتۋراسى ۇسىنىلادى. ۋاقىتى كەلگەندە بىلەسىزدەر. قازىر مەن ونى اشىپ ايتا المايمىن. مەملەكەت باسشىسىنا كانديداتۋرانى تاياۋ كۇندەرى ۇسىناتىن بولامىز. مۇمكىن ەرتەڭ نە ارعى كۇنى. قازىر پروتسەدۋراسىن پىسىقتاپ جاتىرمىز», دەدى ءماجىلىس توراعاسى باق وكىلدەرىنىڭ ساۋالىنا جاۋاپ بەرىپ.
ەرلان قوشانوۆ ءدال قازىر ۇكىمەت باسشىسى لاۋازىمىنا مىنا كانديداتتى ۇسىنامىن دەپ ايتۋ ورىنسىز بولاتىندىعىن قوسا ايتتى.
«پارتيا توراعاسى رەتىندە ول - ۇلكەن جاۋاپكەرشىلىك. پارتيا فراكتسياسىندا اقىلداسۋىمىز كەرەك. سودان كەيىن مەن سىزدەردىڭ الدىلارىڭىزعا شىعىپ نەمەسە ءتيىستى پروتسەدۋرالار ارقىلى ساۋالدارىڭىزعا جاۋاپ بەرەمىن», دەپ تۇيىندەدى ءماجىلىس توراعاسى.
