«بالا قۇقىقتارى تۋرالى كونۆەنتسياعا قاتىسۋشى مەملەكەتتەر ناسىلىنە, تۇسىنە, جىنىسىنا, تىلىنە, دىنىنە, ساياسي نەمەسە وزگە دە نانىمدارىنا, ۇلتتىق, ەتنيكالىق نەمەسە الەۋمەتتىك شىعۋ تەگىنە, م ۇلىكتىك جاعدايىنا, بالانىڭ دەنساۋلىق جاعدايى مەن تۋىنا, ونىڭ اتا-اناسىنا نەمەسە زاڭدى قامقورشىلارىنا نەمەسە قانداي دا ءبىر وزگە ءمان-جايلارعا قاراماستان, قانداي دا ءبىر كەمسىتۋشىلىكسىز وزدەرىنىڭ يۋريسديكتسياسى شەگىندەگى ءاربىر بالاعا وندا كوزدەلگەن بارلىق قۇقىقتاردى تانيدى», دەلىنگەن قۇجاتتا.
قۇجاتتىڭ ماقساتى – بالالارعا نە ولاردىڭ اتا-انالارىنا (زاڭدى وكىلدەرىنە) بۇۇ-نىڭ بالا قۇقىقتارى تۋرالى كوميتەتىنە بالانىڭ قۇقىقتارى تۋرالى كونۆەنتسيادا بەكىتىلگەن قۇقىقتارىنىڭ بۇزىلۋى تۋرالى شاعىم بەرۋگە مۇمكىندىك بەرۋ, ەگەر بۇل بۇزۋشىلىقتار ۇلتتىق سوتتاردا تولىق شەشىلمەگەن بولسا, سونداي-اق تاۋەلسىز جانە بەيتاراپ ورگاندارعا وتىنىشتەردى جولداۋ ارقىلى مەملەكەت بۇزعان بالانىڭ نەگىزگى قۇقىقتارىن قورعاۋ تەتىگىن دامىتۋ.
قاتىسۋشى مەملەكەت ءوزىنىڭ يۋريسديكتسياسىنداعى ادامداردىڭ وسى حاتتاماعا سايكەس كوميتەتكە حابارلامالار جىبەرۋ نەمەسە ونىمەن ىنتىماقتاستىق جاساۋ سالدارىنان ادام قۇقىقتارىن قانداي دا ءبىر بۇزۋشىلىقتارعا, قاتىگەزدىكپەن قاراۋعا نەمەسە قورقىتۋعا ۇشىراماۋىن قامتاماسىز ەتۋ ءۇشىن بارلىق قاجەتتى قادامداردى قابىلدايدى.
بۇل رەتتە, كەز كەلگەن ءتيىستى ادامنىڭ نەمەسە ءتيىستى ادامدار توبىنىڭ جەكە باسى قۇپيا بولاتىنىن ايتا كەتۋ كەرەك.
