- «قر پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭى 9-بابى 8-تارماعىنا سايكەس, پالاتا دەپۋتاتتارى اراسىنان ءماجىلىس توراعاسىنىڭ ۇسىنۋىمەن پالاتا دەپۋتاتتارى جالپى سانىنىڭ كوپشىلىك داۋىسىمەن سايلاناتىن ەكى ورىنباسارى بولادى. سوندىقتان وزىمە بەرىلگەن قۇقىقتى پايدالانا وتىرىپ, پارلامەنت ءماجىلىسى توراعاسىنىڭ ورىنباسارى لاۋازىمىنا الدىمەن ءماجىلىس دەپۋتاتى البەرت راۋدىڭ كانديداتۋراسىن ۇسىنامىن, - دەدى ءماجىلىس توراعاسى ەرلان قوشانوۆ پالاتانىڭ جالپى وتىرىسىندا.
داۋىس بەرۋ بارىسىندا وتىرىسقا قاتىسقان 97 دەپۋتاتتىڭ 96-سى البەرت راۋدىڭ كانديداتۋراسىن قولداپ, 1 دەپۋتات قالىس قالدى.
وسىدان كەيىن ءماجىلىس توراعاسى 2-ءشى ورىنباسارى لاۋازىمىنا دانيا ەسپاەۆانىڭ كانديداتۋراسىن ۇسىندى.
«دانيا ماديقىزى - تاجىريبەلى ەكونوميست. كوپتەگەن جىلدار بويى باسشىلىق قىزمەتتە, بانك سەكتورىندا جۇمىس ىستەگەن. 7-سايلانىمداعى قارجى جانە بيۋدجەت كوميتەتىنىڭ حاتشىسى بولىپ, زاڭ شىعارۋ قىزمەتىنە بەلسەنە اتسالىستى. ءوزىن كاسىبي مامان رەتىندە كورسەتە ءبىلدى», دەدى ەرلان قوشانوۆ.
دانيا ەسپاەۆانىڭ كانديداتۋراسىن 94 دەپۋتات قولدادى, ءبىر دەپۋتات داۋىس بەرگەن جوق, 2 دەپۋتات قالىس قالدى.
