«جالپى الداعى بەسجىلدىق شاعىن جانە ورتا بيزنەستى قولداۋعا ارنالۋى كەرەك. ۇلتتىق جوبالار ۋاقتىلى جانە ساپالى جۇزەگە اسىرىلۋعا ءتيىس. بيۋدجەتتىڭ ءاربىر تيىنى ءتيىمدى جۇمسالۋى كەرەك. وسىنىڭ بارىنە پارلامەنتتىك باقىلاۋ جاساۋ ايرىقشا ماڭىزدى», دەدى پرەزيدەنت.
سونىمەن قاتار سايلاۋدا جەڭىسكە جەتىپ, دەپۋتات بولعان ازاماتتارعا ەل ءۇمىتىن اقتاۋ كەرەگىن ايتتى.
«وزدەرىڭىزگە داۋىس بەرگەن ازاماتتار ۇلكەن ءۇمىت كۇتىپ, سەنىم ارتىپ وتىر. دەپۋتاتتار بيلىك پەن قوعامنىڭ ارىپتەستىگىن نىعايتۋعا ۇلەس قوسۋى قاجەت. بۇل جۇمىس «حالىق ۇنىنە قۇلاق اساتىن مەملەكەت» تۇجىرىمداماسىن ورنىقتىرۋعا سەپتىگىن تيگىزەدى. اسىرەسە, سايلاۋدا جەڭىسكە جەتكەن Amanat پارتياسى وسى جۇمىسقا بەلسەنە اتسالىسادى دەپ سەنەمىن. پارتيانىڭ تاجىريبەسى مول, قوعام تاراپىنان جان-جاقتى قولداۋ بار. سوندىقتان Amanat پارتياسى الداعى وزگەرىستەردىڭ بەل ورتاسىندا بولادى دەپ ۇمىتتەنەمىن», دەدى قاسىم-جومار توقاەۆ.
