«مادەنيەت سالاسىنداعى ساياساتتى جان-جاقتى ويلاستىرىپ جۇرگىزۋ كەرەك. قازىر بۇل سالانى وركەندەتۋ ءۇشىن جاڭا تۇجىرىمداما جاسالىپ جاتىر. بۇل قۇجات ەلىمىزدىڭ مادەني مۇراسىن ساقتاۋ, ناسيحاتتاۋ جانە ۇلتتىق بىرەگەيلىكتى نىعايتۋ ىسىندە شەشۋشى ءرول اتقارادى دەپ سەنەمىن. شىعارماشىل زيالى قاۋىم كوپشىلىكتىڭ كوڭىلىنەن شىعاتىن, مەملەكەتتىڭ مۇددەسىنە ساي كەلەتىن تۋىندىلار ۇسىنادى دەپ ۇمىتتەنەمىن. وسى رەتتە, كرەاتيۆتى يندۋسترياعا جۇيەلى قولداۋ كورسەتۋ وتە ماڭىزدى», دەدى پرەزيدەنت.
وسى رەتتە ول ادام كاپيتالىن تۇراقتى دامىتۋ تابىستى ەل بولۋدىڭ باستى كەپىلى ەكەنىن ايتتى.
ء«بىز ۇلتتىڭ جاڭا ساپاسىن قالىپتاستىرۋ ارقىلى ادىلەتتى مەملەكەتتىڭ جانە ۇيلەسىمدى قوعامنىڭ نەگىزىن قالايمىز. مەن «قازاقستاننىڭ حالىق ءارتىسى» اتاعىن قايتا قالپىنا كەلتىرۋ تۋرالى شەشىم قابىلدادىم. بيىل قازان ايىندا – رەسپۋبليكا كۇنىندە وسى اتاققا لايىقتى مادەنيەت قايراتكەرلەرىنىڭ العاشقى توبى ماراپاتتالادى», دەدى ق. توقاەۆ.
