مەملەكەت باسشىسى ەل ەكونوميكاسىن ىلگەرلەتۋدە ماڭىزدى ءرول اتقاراتىن باعىتتاردى دامىتۋ بويىنشا ناقتى تاپسىرمالار بەردى.
«ەڭ باستىسى, مەملەكەتتىك قولداۋعا يە بولاتىن جوبالاردى ىرىكتەۋ اشىق وتۋگە ءتيىس. جوبانىڭ ناقتى الەۋمەتتىك-ەكونوميكالىق تيىمدىلىگىن ەسكەرۋ قاجەت. وسى ورايدا, ۇكىمەتكە دەپۋتاتتارمەن بىرلەسىپ, ورتا بيزنەستى دامىتۋدىڭ تىڭ تاسىلدەرىن ازىرلەۋدى تاپسىرامىن. ويتكەنى ورتا بيزنەس ەل ەكونوميكاسىن دامىتۋ ىسىندە باستى ءرول اتقارادى. بۇل ماسەلە مەنىڭ جەكە باقىلاۋىمدا بولادى», دەدى پرەزيدەنت.
سونداي-اق اۋقىمدى جوبالاردى وتاندىق كاسىپكەرلەر اتقارۋ كەرەگىن اتاپ ءوتتى.
ء«بىز ناقتى يندۋستريالاندىرۋعا, جەرگىلىكتى ءوندىرىستى دامىتۋعا, ينفراقۇرىلىمدى جاڭعىرتۋعا باسا نازار اۋدارۋىمىز قاجەت. بيۋدجەتتەن قارجىلاندىرىلاتىن اۋقىمدى جوبالاردى, ەڭ الدىمەن وتاندىق كاسىپكەرلەر جۇزەگە اسىرۋعا ءتيىس», دەدى قاسىم-جومارت كەمەل ۇلى.
