اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى ءباسپاسوز قىزمەتىنىڭ مالىمەتىنشە, 27 ناۋرىزدا كوكشەتاۋ قالالىق سوتى ايىپتاۋ ۇكىمىن جاريالادى.
«كوكشەتاۋ قالاسىنىڭ پوليتسيا باسقارماسى باستىعىنىڭ بۇرىنعى ورىنباسارى, پوليتسيا مايورى كاسىپكەردىڭ 49 700 اقش دوللارى كولەمىندەگى اقشالاي قاراجاتىن الاياقتىق جولمەن يەمدەنگەنى جانە ونى باسقا ورگان تەرگەپ جاتقان قىلمىستىق ءىستى توقتاتۋ ءۇشىن پارا بەرۋگە يتەرمەلەگەنى ءۇشىن كىنالى دەپ تانىلدى», دەپ حابارلادى ۆەدومستۆودان.
سوتتالۋشى 8 جىل 6 ايعا باس بوستاندىعىنان ايىرىلدى. ول ءوز جازاسىن قاۋىپسىزدىگى ورتاشا تۇزەتۋ مەكەمەسىندە وتەيدى.
ول سونداي-اق ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعى مەن «پوليتسيا مايورى» ارنايى اتاعىنان ايىرىلدى.
