ەلەنا رىباكينا جاس تەننيسشىلەرگە قارجىلاي قولداۋ كورسەتتى

قازاقستاننىڭ ءبىرىنشى راكەتكاسى قازاقستاندىق جاس تەننيسشىلەردى قولداۋعا اقشا ءبولدى. كىمدى قولداۋ كەرەكتىگىن رىباكينا ءوزى تاڭدادى. وسىلايشا 14 تەننيسشىنىڭ ارقايسىسى 2،5 ميلليون تەڭگەدەن الدى. باقىتتى جانداردىڭ قاتارىندا لينارا بۋلەشەۆا، پولينا بارابانوۆا، ءامينا نۇرماحان، اريانا گوگۋلينا، ءساتيما تورەگەن، ەۆا كورىشەۆا، البينا كاكەنوۆا، ارۋجان ارىستانبەكوۆا، دانا بايداۋلەت، ىڭكار دۇيسەباي، ايا ءنۇپباي، پولينا سلەپتسوۆا، ساندۋعاش كەنجەباەۆا، زارا داركەن بولدى.

قازاقستاندىق جانە حالىقارالىق ارەنالاردا جەڭىسكە جەتىپ جۇرگەن قىزداردىڭ ارقايسىسى ەلەناعا حات جازىپ، تەننيستەگى تاريحىن ايتىپ بەردى.

«مەنىڭ ويىمشا، تۋرنير ۇيىمداستىرۋ نەمەسە جاس ويىنشىلار ءۇشىن گرانتتار تاعايىنداۋ دۇرىس بولار ەدى، ويتكەنى مەن دە ءبىر كەزدەرى قازاقستاندا ۇلكەن قولداۋعا يە بولدىم. ەندى جاس ۇرپاقتىڭ دامۋىنا ۇلەس قوساتىن مەنىڭ كەزەگىم كەلدى»، دەگەن ەدى ەلەنا رىباكينا ۋيمبلدونداعى جەڭىسىنەن كەيىن. 

26 ناۋرىزدا الەمنىڭ جەتىنشى راكەتكاسى ەلەنا رىباكينا اقش-تىڭ مايامي قالاسىندا وتكەن ايەلدەر ماستەرس تۋرنيرىندە كەزەكتى جەڭىسىنە قول جەتكىزدى.