يندۋستريالىق جوبالاردىڭ جۇزەگە اسۋى قالاي؟

ۇكىمەت وتىرىسىندا وسى ماسەلەگە ءمان بەرىلدى كەشە پرەمەر-مينيستر كارىم ءماسىموۆتىڭ توراعالىعىمەن كەزەكتى ۇكىمەت وتىرىسى بولىپ ءوتتى. ول ءوڭىر باسشىلارىمەن ينتەراكتيۆتى بايلانىس ارقىلى سەلەكتورلىق كەڭەس تۇرىندە جۇرگىزىلدى. وتىرىستىڭ باسىندا ۇكىمەت باس­شىسى ۇستىمىزدەگى جىلدىڭ 28 مامى­رىندا سانكت-پەتەربۋرگ قا­لا­سىندا بولىپ وتكەن كەدەن ودا­عى­نىڭ جوعارعى ورگانى  وتىرىسىنىڭ قورىتىندىلارى بويىنشا ءمالىم­دە­مە جاسادى. وندا پرەمەر-مي­نيستر سوڭعى ەكى اپتا بويى ات­قا­رىلعان قاۋىرت جۇمىستىڭ بارى­سىن­دا قازاقستان رەسپۋبليكاسى مەن رەسەي فەدەراتسياسى اراسىن­داعى بارلىق كەلىسپەۋشىلىكتەر بوي­ىنشا ءىس جۇزىندە ءتيىستى كەلىسىمدەر مەن شەشىمدەرگە قول جەتكىزىل­گەن­دىگىن اتاپ كورسەتتى. مۇنان كەيىن ۇكىمەت وتىرىسى كۇن تارتىبىندەگى ماسەلەلەردى قاراۋ­عا كوشتى. كۇن تارتىبىندەگى ءبىرىنشى ماسەلە بويىنشا بايانداما جاساعان ين­دۋستريا جانە جاڭا تەحنولوگيالار ءمينيسترىنىڭ ورىنباسارى البەرت راۋ ۇستىمىزدەگى جىلى ەلىمىزدە ين­دۋستيالىق-يننوۆاتسيالىق باعىتتا 144 جوبانىڭ جۇزەگە اساتىندىعىن, ونىڭ 74-ءى ۇستىمىزدەگى جىلدىڭ ءبىرىن­شى جارتىجىلدىعىندا ىسكە قوسى­لا­تىندىعىن ايتتى. جالپى, يندۋس­تريالىق جوبالار بويىنشا جىل ىشىندە 8,32 ميلليارد تەڭگە يگەرىلۋى كەرەك. بۇل 20 مىڭ تۇراقتى جۇمىس ورنىن قۇرۋعا مۇمكىندىك بەرەدى. ءبىرىنشى جارتىجىلدىقتا ىسكە قوسىلاتىن جوبالاردى يگەرۋدە پاۆ­لودار, قاراعاندى, الماتى, وڭتۇستىك قازاقستان وبلىستارى الدا كەلەدى. ال ەكىنشى جارتىجىلدىقتا ىسكە قوسىلاتىن جوبالار بويىنشا باتىس قازاقستان, پاۆلودار, شى­عىس قازاقستان وبلىستارىندا جۇ­مىس جاقسى جولعا قويىلعان. ماسە­لەن, شىعىس قازاقستان وبلىسىندا ەكىنشى جارتى جىلدىقتا ىسكە قوسىلاتىن جوبالاردىڭ يگەرىلۋ دەڭگەيى قازىردىڭ وزىندە 79 پايىزدى قۇراپ وتىر. وتىرىستا نەگىزىنەن ءبىرىنشى جارتىجىلدىقتا ىسكە قوسىلاتىن جوبالارعا كوبىرەك ءمان بەرىلدى. بۇلاي بولاتىن سەبەبى تۇسىنىكتى دە. ويتكەنى, الدىمىزدا ونىڭ سوڭعى ايى عانا قالىپ وتىر. اتالعان ماسەلەلەر بويىنشا كولىك جانە كوممۋنيكاتسيا مي­نيسترى ابىلعازى قۇسايىنوۆ, مۇناي جانە گاز ءمينيسترى ساۋات مىڭباەۆ, اۋىل شارۋاشىلىعى ءمينيسترى اقىل­بەك كۇرىشباەۆ, توتەنشە جاع­دايلار ءمينيسترى ۆلاديمير بوجكو, “سامۇرىق-قازىنا” ۇلتتىق ءال-اۋقات قورىنىڭ باسشىسى قايرات كەلىمبەتوۆ, “كازاگرو” حولدينگىنىڭ باسشىسى اسىلجان مامىتبەكوۆ ءسوز الىپ, وزدەرى باسقاراتىن مەم­لە­كەتتىك قۇرىلىمداردىڭ قاداعا­لاۋىنا تاپسىرىلعان ءىرى جوبا­لار­دىڭ جۇزەگە اسۋ جايىن ورتاعا سال­دى. جالپى, ءبىرىنشى جارتىجىلدىق­تا ىسكە قوسىلاتىن جوبالاردىڭ ورىندالۋ جاعدايى جامان ەمەس. تەك ءبىر-ەكى جوبا بويىنشا پروبلەمالار بار ەكەن. سونىڭ ءبىرى قوستانايداعى ۇن كومبيناتىنىڭ قۇرىلىسى قۇرال-جابدىقتار جەتكىزۋ ءىسىنىڭ كە­شەۋىلدەۋىنەن ەكىنشى جارتىجىل­دىق­قا سىرعيتىندىعى بەلگىلى بول­دى. بىراق ونىڭ ەسەسىنە ىسكە قوسى­لۋى ەكىنشى جارتىجىلدىققا جوس­پار­لانعان باتىس قازاقستان وبلى­سىنداعى مال بورداقىلاۋ كەشەنىنىڭ قۇرىلىسى ءبىرىنشى جارتىجىلدىقتا اياقتالماق. ءسويتىپ, ىسكە قوسىلاتىن جوبالار سانى كەمىمەيتىندىگى, كە­رى­سىنشە, ارتا ءتۇسۋى مۇمكىن ەكەندىگى ايتىلدى. وتىرىستا ينتەراكتيۆتى بايلا­نىس ارقىلى بارلىق وبلىس باس­شى­لارى ءسوز الىپ, ىسكە قوسىلاتىن جوبالار جايىن باياندادى. ولاردىڭ بارلىعىندا دەرلىك ءىس بارىسى كو­ڭىل­دەگىدەي دەۋگە بولادى.  ماسەلەن, الماتى وبلىسىندا ۇستىمىزدەگى جىل­عا سەگىز جوبا جوسپارلانسا, ونىڭ التاۋى ءبىرىنشى جىرتى­جىل­دىقتا پايدالانۋعا بەرىلمەك. ونىڭ ۇستىنە بۇل وبلىستا سۋ بوگەنىنىڭ بۇ­زىلۋىنا بايلانىستى زارداپ شەك­كەن اۋىلداردا قۇرىلىس جۇمىس­تارى­نىڭ وتە قارقىندى ءجۇرىپ جات­قاندىعى بەلگىلى بولدى. قۇرىلىس جۇمىستارى 19 ناۋرىزدا باستالعا­نى­مەن قازىردىڭ وزىندە جۇزدەن استام ءۇي سالىنىپ ۇلگەرىلگەن. ەندى تاياۋ­داعى ۋاقىتتىڭ ىشىندە ەكى ءجۇز ءۇي پايدالانۋعا بەرىلمەك. ونىمەن قوسا بۇل اۋىلدارعا ەلەكتر جەلىلەرى تارتىلىپ, جولدارعا قارا توسەنىش توسەلۋدە. بۇرىن بولماعان جاڭا بالاباقشامەن دە قامتىلاتىن بو­لا­دى. وبلىس حالقى ءار زارداپ شەككەن وتباسىنا 10 قويدان ءبولىپ بەرمەك. مىنە, وسىنداي جۇمىستار شىعىس قازاقستان وبلىسىندا دا جۇرگىزىلۋدە. اتالعان ماسەلەنى قورىتىن­دى­لاعان ۇكىمەت باسشىسى كارىم ءما­سىموۆ يندۋستريالىق-يننوۆاتسيالىق جوبالار بويىنشا جۇمىستاردىڭ ورىندالۋى جامان ەمەس ەكەندىگىن اتاپ كورسەتە كەلە كەيبىر   بايقال­عان جەكەلەگەن ماسەلەلەردىڭ جەدەل شەشىلۋىن ءوزىنىڭ ورىنباسارى اسەت يسەكەشەۆكە تاپسىردى. سونىمەن قاتار,  14 ماۋسىمدا “جول كارتاسى” تۋ­رالى ماسەلە قارالاتىنىن ەسكە سالدى. سونىمەن قاتار وسى وتىرىستا وڭىرلىك دامۋ ماسەلەلەرى دە تال­قى­لاندى. بۇل جايىنداعى باياندامانى دا يندۋستريا جانە جاڭا تەحنو­لوگيالار ءمينيسترىنىڭ ورىنباسارى البەرت راۋ جاسادى. سۇڭعات ءالىپباي.