قازاقستان شاحمات فەدەراتسياسى اتالعان تۋرنيرگە قاتىستى بارلىق ماسەلەلەر FIDE مەن ۇندىستانداعى ءتۋرنيردى ۇيىمداستىرۋشىلاردىڭ قۇزىرىندا ەكەنىن مالىمدەدى.
- فەدەراتسيا ءوز تاراپىنان قازاقستاندىق سپورتشىلارعا قولداۋ ءبىلدىرىپ, الەمدە ايەلدەر اراسىنداعى شاحمات تۋرنيرلەرىنىڭ ۇيىمداستىرىلۋ دەڭگەيى جوعارىلايدى دەپ ۇمىتتەنەدى. سونداي-اق قازاقستان شاحمات فەدەراتسياسى FIDE جانە بارلىق مۇددەلى تاراپتارمەن اتالعان ماسەلەنى تالقىلايدى. ءبىزدىڭ بەلدى شاحماتشىلار بۇل كەلىسپەۋشىلىكتى جۇيەلى شەشىپ, ءوز تالانتىمەن جاڭا جەڭىستەرگە جەتىپ, ءبىزدى قۋانتادى دەگەن سەنىمدەمىز, - دەلىنگەن فەدەراتسيانىڭ رەسمي سايتىندا جاريالانعان حابارلامادا.
ەسكە سالا كەتەيىك, بليتستەن ەكى دۇركىن الەم چەمپيونى ءبيبىسارا اساۋباەۆا ءوزىنىڭ Instagram پاراقشاسىندا جانسايا ابدىمالىككە قاتىستى سىني پىكىر جازدى. كەيىنىرەك FIDE پرەزيدەنتى گران-پريگە قاتىسۋشىلاردان كەشىرىم سۇرادى. جانسايا ابدىمالىك جارىستان نەگە باس تارتقانىن ءتۇسىندىردى.
