تاراپتار قازاقستانداعى ميسسيانىڭ جۇمىسىن قورىتىندىلاپ, ەقىۇ ميسسياسى 20 ناۋرىزدا جاريالاعان پارلامەنتتىك سايلاۋدى بايقاۋ بويىنشا الدىن الا ناتيجەلەر مەن تۇجىرىمدار تۋرالى مالىمدەمەسىنىڭ كەيبىر تارماقتارىن تالقىلادى.
ءمينيستردىڭ ورىنباسارى بايقاۋشىلارعا اتقارىلعان جۇمىستارى ءۇشىن العىسىن ءبىلدىرىپ: «قازاقستان ەقىۇ-نىڭ ەلىمىزدىڭ دەموكراتيالىق دامۋى سالاسىنداعى حالىقارالىق قولداۋىن باعالايدى», دەپ اتاپ ءوتتى.
و. مەرفي اتالعان سايلاۋ ء«وزىن-ءوزى ۇسىنعان كانديداتتارعا سايلاۋعا قاتىسۋعا مۇمكىندىك بەرىپ, ساياسي ومىرگە باسەكەلەستىك ەلەمەنتتەرىن اكەلگەنىن جانە سايلاۋشىلاردىڭ تاڭداۋ جاساۋ مۇمكىندىگىن ۇلعايتقانىن» اتاپ ءوتتى. سونداي-اق ول مەملەكەتتىك ورگانداردىڭ, ساياسي پارتيالار مەن ازاماتتىق قوعام وكىلدەرىنىڭ ميسسياعا قاتىستى كاسىبيلىگى مەن جەدەلدىگىن جوعارى باعالاي وتىرىپ, كورسەتىلگەن قولعابىس ءۇشىن قازاقستان تاراپىنا العىسىن ءبىلدىردى.
ەقىۇ پارلامەنتتىك سايلاۋدى بايقاۋ جونىندەگى سايلاۋ ۇدەرىسىن ودان ءارى جەتىلدىرۋ بويىنشا ۇسىنىستارى بار قورىتىندى ەسەبىنىڭ دايىندالۋى اڭگىمەنىڭ جەكە تاقىرىبى بولدى. ر. ۆاسيلەنكو دياقب ەسەبىن جاساۋ كەزىندە وبەكتيۆتى ءتاسىلدىڭ ماڭىزدىلىعىن تاعى دا اتاپ ءوتتى.
ەقىۇ وكىلدەرى ءتيىستى ۇسىنىستار قورىتىندى ەسەپتە بىرنەشە ايدان كەيىن ۇسىنىلاتىنىن اتاپ ءوتتى جانە بۇل ۇسىنىستار قر سايلاۋ جۇيەسىن حالىقارالىق ستاندارتتارعا, وزىق شەتەلدىك تاجىريبەلەرگە جانە 1990 جىلى ەقىۇ كوپەنگاگەن قۇجاتىندا بەلگىلەنگەن مىندەتتەمەلەرگە سايكەس ودان ءارى جاڭعىرتۋ ءۇشىن پايدالانىلاتىنىنا ءۇمىت ءبىلدىردى. بايانداما جاريالاعاننان كەيىن بيۋرو قۇجاتتى قر ورتالىق سايلاۋ كوميسسياسى مەن باسقا دا مۇددەلى مەملەكەتتىك ورگاندارىمەن ەگجەي-تەگجەيلى تالقىلاۋ ءۇشىن قازاقستانعا ساراپتاما توبىن جىبەرۋگە مۇددەلى.
كەزدەسۋدىڭ سوڭىندا تاراپتار قازاقستان مەن ەقىۇ-نىڭ سايلاۋدى وتكىزۋ سالاسىنداعى سىندارلى جانە جەمىستى ىنتىماقتاستىعىن ودان ءارى دامىتۋعا قاتىستى پىكىر الماستى.
