پرەزيدەنتكە «استانا» حالىقارالىق قارجى ورتالىعىنىڭ يننوۆاتسيالىق قارجى ونىمدەرى مەن قىزمەتتەردى دامىتۋ, ەلىمىزدىڭ ينۆەستيتسيالىق تارتىمدىلىعىن ارتتىرۋ, سونداي-اق احقو-نىڭ جاڭارعان دامۋ ستراتەگياسى اياسىندا نەگىزگى بيزنەس-سەرىكتەستەرمەن ءوزارا بايلانىس جۇمىستارى تۋرالى مالىمەت بەرىلدى.
مەملەكەت باسشىسىنا ورنىقتى قارجىلاندىرۋ قۇرالدارىنىڭ اياسىن ودان ءارى كەڭەيتۋ جانە ەلىمىزدىڭ كومىرسۋتەگى بەيتاراپتىعىنا جەتۋ ماقساتىن قارجىلاندىرۋدى جۇزەگە اسىرۋداعى ورتالىقتىڭ ءرولى جونىندە باياندالدى.
قاسىم-جومارت توقاەۆ شەتەلدەن ينۆەستيتسيا تارتۋ ءۇشىن قاجەتتى ينفراقۇرىلىم قۇرىپ, جاعداي جاساۋدا, سونداي-اق قور نارىعى مەن ەل ەكونوميكاسىن دامىتۋدا احقو-نىڭ ماڭىزدى ءرول اتقاراتىنىن اتاپ ءوتتى.
بۇل رەتتە, پرەزيدەنت ورتالىقتىڭ باسەكەگە قابىلەتتىلىگىن ارتتىرۋ قاجەتتىگىنە, سونداي-اق ترانسكاسپي حالىقارالىق كولىك ءدالىزى سەكىلدى ماڭىزدى ينفراقۇرىلىم جوبالارىنا اۋقىمدى ينۆەستيتسيا تارتۋ ءۇشىن قولايلى جاعداي جاساۋ كەرەك ەكەنىنە نازار اۋداردى.
