سەنات توراعاسى الەۋمەتتىك جەلىدەگى پاراقشاسىندا قاسيەتتى ورازانىڭ باستالۋىنا وراي جازبا قالدىردى.
«ەلىمىزدەگى بارشا مۇسىلمان قاۋىمدى قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!
بۇل ايدا سابىر مەن ءتوزىم, كەشىرىم مەن مەيىرىم, بەرەكە مەن بىرلىك سالتانات قۇرادى. مول ساۋاپتان ءۇمىت ەتكەن ءاربىر مۇسىلمان وتىز كۇن ورازادا اۋىز بەكىتىپ قانا قويماي, مۇقتاج جاندارعا قولداۋ كورسەتىپ, قامقورلىق تانىتۋعا اسىعادى. مۇنىڭ ءبارى – ۇلتتى ۇيىستىرىپ, جۇرتتى جۇمىلدىراتىن ىزگى امالدار.
بيىل رامازان جىل باسى – ناۋرىز مەيرامىمەن تۇسپا-تۇس كەلىپ وتىر. رۋحاني تازارۋ ايى مەن تىرشىلىك اتاۋلىعا ءنار بەرەتىن جاڭارۋ مەرەكەسىنىڭ قاتار كەلۋىن جاقسىلىقتىڭ نىشانى دەپ قابىلدايمىز. بۇل دا يگى ىستەردىڭ ەسەلەنە تۇسۋىنە ءوز اسەرىن تيگىزەرى ءسوزسىز.
قاسيەتتى ايدىڭ باستالۋىمەن قۇتتىقتاي وتىرىپ, ەلىمىزگە اماندىق, جەرىمىزگە تىنىشتىق تىلەيمىن. ءار شاڭىراق شاتتىق پەن قۋانىشقا كەنەلسىن. ۇستاعان ورازالارىڭىز قابىل بولسىن!», دەلىنگەن جازبادا
