فەستيۆال الاڭىندا ەتنواۋىل ورناتىلىپ, ەلىمىزدىڭ تۇكپىر-تۇكپىرىنەن كەلگەن قولونەرشىلەر شەبەرلىكتەرىن كورسەتىپ, بىلىمدەرىمەن ءبولىسۋ ءۇشىن جينالدى.
مۇندا ءسىز قولدان جاسالعان بۇيىمداردى تاماشالاي الاسىز, ۇلتتىق ويۋ-ورنەكتەر مەن كەستە, كىلەم توقۋ, كيىزدەن جاسالعان كونە توقىما ونەرى, ءتىپتى ساۋىت جاساۋ بويىنشا بىرەگەي شەبەرلىك ساباقتارىنا قاتىسا الاسىز.
فەستيۆالدىڭ باستى ەرەكشەلىگى - جاساندى ينتەللەكت كومەگىمەن جاسالعان ونەر, ديزاين, انيماتسيا زاتتارىن قامتيتىن Neo Nomad يننوۆاتسيالىق كيىز ءۇيى.
سونىمەن قاتار ەكسپو اۋماعىندا شىعىس جارمەڭكەسى اشىلدى. مۇندا قوناقتار ەتنيكالىق ستيلدەگى ديزاينەرلىك كيىمدەردى, ءساندى جانە قولدان جاسالعان زەرگەرلىك بۇيىمداردى, كەراميكا, مەتالل, بىلعارى جانە جىبەكتەن جاسالعان ادەمى بۇيىمداردى جانە ۇلتتىق كادەسىيلاردى تابا الادى. اركىم ءوز قالاۋى بويىنشا «ناۋرىز بازارىندا» تاۋار ساتىپ الا الادى.
وعان ىرگەلەس اۋىل شارۋاشىلىعى جارمەڭكەسى بار, وندا تاۋار وندىرۋشىلەر ءوز ونىمدەرىن بازارداعى باعادان ارزان ساتادى.
