«دارىن» رعپو-نىڭ حابارلاۋىنشا, كونكۋرستىڭ قورىتىندىسى بويىنشا باس جۇلدەنى 16 وقۋشى جەڭىپ الدى. 63 وقۋشى ءى دارەجەلى ديپلومعا يە بولسا, 2-ءشى ورىن - 94, 3 ورىن 155 وقۋشىعا بەرىلدى.
وقۋشىلاردىڭ 12 سەكتسيا بويىنشا قورعاعان زەرتتەۋ جۇمىستارىن ەلىمىزدىڭ جوعارعى وقۋ ورىندارىنىڭ عالىم-پروفەسسورلارى مەن مەديتسينالىق كوللەدجدىڭ اعا وقىتۋشىلارى باعالادى. قازىلار القاسى رەسپۋبليكالىق كونكۋرسقا كەلگەن ءار قاتىسۋشى كوتەرگەن تاقىرىپتىڭ اۋقىمى كەڭ, جاس عالىمداردىڭ ىزدەنىسى جوعارى ەكەنىن ەرەكشە اتاپ ءوتتى.
«وقۋشىلار ۇسىنعان جوبالارىنىڭ كوپشىلىگى ەرەكشە. ءبىر-ءبىرىن قايتالامايدى, سونىڭ ىشىندە مەنىڭ نازارىمدى اۋدارعان بىرنەشە زەرتتەۋ جۇمىسى بولدى. فيزيكا, عارىش سەكتسياسى بويىنشا الماتى وبلىسىنان كەلگەن وقۋشى كۇن ساۋلەسىنەن ەنەرگيا الاتىن قۇرىلعى جاساعان. ونىڭ جوباسى تەك ماكەت ەمەس, تولىق جۇمىس ىستەپ تۇر, 5-6 تەلەفوندى زاريادتاۋعا مۇمكىندىك بەرەدى. مەديتسينا, پسيحولوگيا, ەكولوگيا سەكتسياسى بويىنشا «ۆەيپ - جاڭا زامان ويىنشىعى ما, الدە قايتىمسىز دەنساۋلىق پا؟» دەگەن تاقىرىپ كوتەرىلدى. جۇلدەگەردىڭ ءبىرى - بالامالى ەنەرگيا كوزدەرىن ءوندىرۋدى ۇسىندى. بارلىعى دا جان جاقتى تولىق زەرتتەلگەن جۇمىستار», دەيدى ل.گۋميلەۆ اتىنداعى ەۇۋ پروفەسسورى, قازىلار القاسىنىڭ توراعاسى تىلەگەن سادىق ۇلى.
ايتا كەتەيىك, «زەردە» XVIII رەسپۋبليكالىق كونكۋرسىنا قازاقستان بويىنشا 2-7-سىنىپ ارالىعىندا وقيتىن 600-گە جۋىق وقۋشى قاتىستى.
