جالپى, قايبىر سايلاۋدا دا جۇرتتى داۋىس بەرۋگە جۇمىلدىرۋ ءۇشىن ەلەڭ ەتكىزەر جاڭالىقتاردى العا شىعارادى عوي. بۇرىنعىداي ومىرگە قول ۇستاسىپ قاتار اتتانعان ءساتى داۋىس بەرۋ كۇنىنە تاپ كەلگەن جاستاردىڭ نەكە قيعىزا سالا قول ۇستاسقان كۇيى سايلاۋ ۋچاسكەسىنە كەلۋى قازىر كرەاتيۆ ەمەس. مىسالى, وسى ناۋقاندا قارماقشى اۋدانىنداعى تۇرماعامبەت اۋىلىنداعى №109 سايلاۋ ۋچاسكەسىندە جىرشىلار جىر توكتى. تاڭداۋ جاساۋعا كەلىپ جاتقاندارعا كەرەمەت اسەر سىيلاعان بابا ونەردىڭ مۇراگەرلەرى وزدەرى دە داۋىس بەرىپ, جاڭارعان قوعامعا قادام جاساۋعا ۇلەس قوستى.
جالاعاش اۋدانىنىڭ بۇقارباي باتىر اۋىلىندا قابىلانبەك نۇرماعانبەتوۆ اقساقال داۋىس بەرۋگە بۇكىل اۋلەتىن باستاي كەلىپتى. ماڭىزدى ساياسي ناۋقاندا ءوز تاڭداۋىڭدى جاساۋعا اسىقپاۋدى ازاماتتىق پارىزدى ورىنداماۋ دەپ ەسەپتەيتىن اقساقال ەلدىڭ دامۋىنا سەرپىن بەرەتىن ساتتە ءاربىر سايلاۋشى بەلسەندى بولسا دەيدى.
سايلاۋدىڭ بارىسى تۋرالى وبلىستىق سايلاۋ كوميسسياسىنىڭ توراعاسى ادىلبەك ەرسۇلتانوۆ وتكىزگەن بريفينگتە داۋىس بەرۋدىڭ اشىق ءارى ءادىل وتۋىنە بار مۇمكىندىك جاسالعانى ايتىلدى. وبلىستا 486 002 سايلاۋشى بار. ولار داۋىس بەرەتىن 373 سايلاۋ ۋچاسكەسىنىڭ بارلىعى تالاپقا ساي, ارنايى كابينالارمەن جابدىقتالعان. ازاماتتار داۋىس بەرۋ ۋچاسكەسىن الدىن الا ناقتىلاۋ ءۇشىن 20 قاڭتاردان باستاپ ىسكە قوسىلعان ء«وزىڭدى سايلاۋشىلار تىزىمىنەن تەكسەر» سەرۆيسىن 30 مىڭ ادام پايدالانىپتى. سونىمەن قاتار telegram-بوت (sailau_kzoBot) جانە «Smart Qyzylorda» ءموبيلدى قوسىمشاسى ارقىلى سايلاۋشىلار تىزىمىنەن تەكسەرۋ مۇمكىندىگى بار قىزمەتتىڭ كومەگىنە جۇگىنگەندەر 9 مىڭنان اسادى. سايلاۋعا قاتىساتىن مۇگەدەكتىگى بار 2 997 تۇرعىن ءۇشىن بارلىق مۇمكىندىك جاسالدى. قيمىل-قوزعالىسى قيىن ازاماتتاردى 32 ينۆاتاكسي تاسىمالداسا, 42 ونلاين سۋدواۋراماشى ىم ءتىلى قىزمەتىن كورسەتتى.
جالپى, سايلاۋ ۇدەرىسىن 14 حالىقارالىق بايقاۋشى, رەسپۋبليكالىق 14 قوعامدىق بىرلەستىك, 25 جەرگىلىكتى ۇيىم باقىلادى.
قىزىلوردا
