№28 سايلاۋ ۋچاسكەسىنىڭ توراعاسى باقىتبەك ەرجاننىڭ حابارلاۋىنشا, تاڭعى ساعات 5.30-دا بارلىق كوميسسيا مۇشەلەرى سايلاۋ ۋچاسكەسىنە كەلىپ بولدى. باقىلاۋشىلار دا شامامەن وسى ۋاقىتتا جينالا باستاعان.
ء«بىز تاڭەرتەڭگىلىك 06.00-دەن وتە باقىلاۋشىلاردى سايلاۋ ۋچاسكەسىنە كىرگىزىپ, ءوزىمدى جانە سايلاۋ كوميسسياسى مۇشەلەرىن تانىستىردىم. ولار داۋىس بەرەتىن كابينالاردى قاراپ شىقتى. سودان كەيىن باقىلاۋشىلاردىڭ كوزىنشە داۋىس بەرۋ بيۋللەتەندەرىن سالاتىن ۇلكەن جاشىككە ءمور باستىق. كوميسسيا مۇشەلەرىنە ءتىزىم بويىنشا بيۋللەتەندەردى تاراتتىق. تاڭعى ساعات 7.00-دە ۋچاسكەمىز اشىلعان بويى داۋىس بەرۋگە ەكى ۇلكەن كىسى كەلدى. قازىر ۋچاسكەدە جەتى باقىلاۋشى وتىر, ولار سايلاۋعا قاتىسىپ جاتقان بەس پارتيانىڭ جانە دەپۋتاتتىققا ۇمتكەرلەردىڭ سەنىم بىلدىرگەن وكىلدەرى. كەشە ءبىزدىڭ سايلاۋ ۋچاسكەمىزگە ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ەكى وكىلى كەلىپ, سايلاۋ ۋچاسكەسىندەگى داۋس بەرۋ كابينالارىن, باقىلاۋشىلار وتىراتىن ورىنداردى قاراپ شىقتى», دەيدى №28 سايلاۋ ۋچاسكەسىنىڭ توراعاسى باقىتبەك ەرجان.
اقتوبە وبلىسىندا 562 مىڭ 590 سايلاۋشى بار. ولار بۇگىن 525 سايلاۋ ۋچاسكەسىندە داۋىس بەرىپ جاتىر. جاسى 18-گە تولىپ, العاش سايلاۋعا قاتىساتىن 3579 سايلاۋشى بار. وڭىردەگى ەڭ جاسى ۇلكەن داۋىس بەرۋشى – 109 جاستاعى شالقار اۋدانىنىڭ تۇرعىنى زيبا كەلىمبەتوۆا اجەي.
اقتوبە ولىسىنان قر پارلامەنتى ماجىلىسىنە №10 بىرمانداتتىق وكرۋگىنەن سايلاۋعا تۇسكەن كانديداتتاردىڭ سانى – 11. قر پارلامەنتى ماجىلىسىنە پارتيالىق ءتىزىمى بويىنشا 7 پارتيا تۇسۋدە. اقتوبە وبلىستىق ءماسليحاتىنا بىرمانداتتىق 17 وكرۋگتەن 67 ۇمىتكەر, قالالىق ءماسليحات دەپۋتاتتىعىنا بىرمانداتتىق 32 سايلاۋ وكرۋگىنەن 128 ۇمىتكەر باعىن سىناپ جاتىر.
