ونىڭ ايتۋىنشا, پروكۋراتۋرا قىزمەتكەرلەرى سايلاۋ پروتسەسى زاڭدىلىعىنىڭ ساقتالۋىن جوعارى دەڭگەيدە قاداعالاپ جاتىر. بۇعان دەيىن 17 ناۋرىزعا دەيىن پروكۋرورلار پارلامەنت ءماجىلىسى دەپۋتاتتارىنىڭ سايلاۋى بويىنشا 24 جانە ءماسليحاتتار بويىنشا 13 زاڭ بۇزۋ دەرەكتەرىن تىركەدى. اتالعان فاكتىلەرگە جاۋاپتى ادامدار اكىمشىلىك جازاعا تارتىلدى.
«17-18 ناۋرىزدا سايلاۋ زاڭناماسىن بۇزعان تاعى 7 ادام اكىمشىلىك جازاعا تارتىلدى. ولاردىڭ ۇشەۋى پارلامەنت ءماجىلىسى دەپۋتاتتارىنىڭ سايلاۋى بويىنشا زاڭ بۇزعان. ماسەلەن, 17 ناۋرىزدا ورال قالاسىندا قازاقستان رەسپۋبليكاسىنداعى سايلاۋ تۋرالى كونستيتۋتسيالىق زاڭنىڭ تالاپتارىن بۇزا وتىرىپ, ساۋالاناما جۇرگىزگەنى ءۇشىن سوت قاۋلىسىمەن ءبىر باسپا باسىلىمنىڭ مەنشىك يەسىنە اكىمشىلىك قۇقىق بۇزۋ تۋرالى كودەكستىڭ 120-بابىنىڭ 3-بولىگىمەن ايىپپۇل سالىندى. 18 ناۋرىزدا تۇركىستان قالاسىندا ءماجىلىس دەپۋتاتتاعىنا كانديداتتاردىڭ بىرىنە انونيمدىك ۇگىت ماتەريالدارىن تاراتقانى ءۇشىن ورتالىق سايلاۋ كوميسسياسىنىڭ كەلىسىمىمەن اكىمشىلىك قۇقىق بۇزۋ تۋرالى كودەكستىڭ 113-بابى بويىنشا سوت 125 ايلىق ەسەپتىك كورسەتكىش مولشەرىندە ايىپپۇل سالدى. بىراق بۇل ونىڭ تىركەۋىنىڭ كۇشىن جويۋعا اكەپ سوقپايدى», دەدى ول.
وسىعان ۇقساس بۇزۋشىلىق سولتۇستىك قازاقستان وبلىسىندا دا تىركەلگەن.
«تايىنشا اۋدانىنىڭ پروكۋرورى قىسقارتىلعان ءىس جۇرگىزۋ تارتىبىمەن اۋداندىق ءماسليحات دەپۋتاتتاعىنا كانديداتقا اكىمشىلىك قۇقىق بۇزۋ تۋرالى كودەكستىڭ 113-بابىمەن ايىپپۇل سالدى. ءدال وسى باپ بويىنشا اتىراۋ قالاسىندا پروكۋرور باسپا باسىلىمىنىڭ يەسىن 12,5 اەك كولەمىندەگى ايىپپۇلعا تارتتى», دەپ قوستى سپيكەر.
سونداي-اق باتىس قازاقستان وبلىسىندا كانديداتتىڭ ارىزى بويىنشا اۋىلدىق وكرۋگتەگى مەملەكەت قىزمەتكەرى ۇگىت جۇرگىزۋ كەزەڭىندە ۇگىتتەۋ ماتەريالدارىن تاراتقانى انىقتالدى. ول اكىمشىلىك قۇقىق بۇزۋ تۋرالى كودەكستىڭ 122-بابىنىڭ 1-بولىگىمەن جاۋاپتكەرشىلىككە تارتىلدى», دەدى ازامات سارعازين.
سونداي-اق ول داۋىس بەرۋ كۇنى بۇقارالىق اقپارات قۇرالدارىندا ساۋالناما ناتيجەلەرى, سايلاۋ ناتيجەلەرىنىڭ بولجامدارىن, سايلاۋعا جانە كانديداتتاردى قولداپ داۋىس بەرۋگە بايلانىستى وزگە زەرتتەۋلەردى جاريالاۋعا جول بەرىلمەيتىنىن ەسكە سالدى.
