«بۇگىن ءوتىپ جاتقان سايلاۋ قازاقستان ومىرىندەگى ماڭىزدى وقيعا. بۇل مەملەكەت باسشىسى بىلتىر ناۋرىز ايىندا جاريالاعان ساياسي رەفورمالاردىڭ سوڭعى كەزەڭىن بىلدىرەدى. ءماجىلىس پەن ماسليحاتتىڭ سايلانعان دەپۋتاتتارى الدىندا جاڭا مىندەتتەر تۋىندايدى جانە ولاردىڭ جۇمىسى قازاقستاننىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ جانە ازاماتتارىمىزدىڭ ءومىر ءسۇرۋ دەڭگەيىن ارتتىرۋ جونىندەگى باستامالاردى قولداۋعا باعىتتالۋى ءتيىس. قازاقستان مەن ءبىزدىڭ سۇيىكتى الماتىنىڭ تاعدىرىنا شىن جۇرەكتەن الاڭدايتىن الماتىلىقتار بەي-جاي قارامايتىنىنا جانە جارقىن بولاشاققا داۋىس بەرەتىنىنە سەنىمدىمىن», دەدى ەربولات دوساەۆ.
قر كونستيتۋتسياسىنا سايكەس, پارلامەنت ءماجىلىسى ارالاس سايلاۋ جۇيەسى بويىنشا كونستيتۋتسيالىق زاڭدا بەلگىلەنگەن تارتىپپەن سايلاناتىن 98 دەپۋتاتتان تۇرادى. بىرىڭعاي جالپىۇلتتىق سايلاۋ وكرۋگى اۋماعى بويىنشا, ياعني پارتيالىق ءتىزىم بويىنشا ءماجىلىستىڭ 69 دەپۋتاتى, ءبىر مانداتتى اۋماقتىق سايلاۋ وكرۋگتەرى بويىنشا – 29 دەپۋتات سايلانادى.
