سەناتورلار تۇركپا ميسسياسىنىڭ بايقاۋشىلارىمەن كەزدەستى

كەزدەسۋگە قاتىسقان سەناتورلار بيبىگۇل جەكسەنباي، رۋسلان رۇستەموۆ جانە نۇرلان بەكەنوۆ تۇركپا-نىڭ قۇرىلۋى مەن دامۋىنا ءوز ۇلەسىن قوسقان ەل رەتىندە قازاقستان وسى ۇيىم اياسىنداعى پارلامەنتارالىق ىنتىماقتاستىقتى ودان ءارى نىعايتۋعا زور ءمان بەرەتىنىن اتاپ ءوتتى.

حالىقارالىق بايقاۋشىلار مەملەكەت باسشىسىنىڭ باستاماسىمەن جۇرگىزىلىپ جاتقان رەفورمانىڭ نەگىزگى ماسەلەلەرى تۋرالى جان-جاقتى حاباردار بولدى.

«پارلامەنت ءماجىلىسى مەن ماسليحاتتارعا سايلاۋ جاڭا ارالاس جۇيە بويىنشا وتەدى. ءماجىلىس دەپۋتاتتارىنىڭ 70%-ى پروپورتسيونالدى، ال 30%-ى ماجوريتارلىق جۇيە بويىنشا جاساقتالادى. ياعني، پارتيالار 69 ورىنعا، ال ءبىر مانداتتىلار 29 ورىنعا تالاسادى. بۇل ءارتۇرلى الەۋمەتتىك توپتار مەن ساياسي پارتيالاردىڭ مۇشەلەرىن سايلاۋعا مۇمكىندىك بەرەدى جانە پارلامەنتتىڭ وكىلدىك قىزمەتىن قامتاماسىز ەتەدى. ءماجىلىس دەپۋتاتتارىن سايلاۋ اۋقىمدى ىشكى ساياسي وزگەرىستەر اياسىندا وتەتىنىن ايتا كەتۋ كەرەك»، دەدى نۇرتورە ءجۇسىپ.

كەزدەسۋگە تۇركىتىلدەس ەلدەردىڭ پارلامەنتتىك اسسامبلەياسىنان تۇركيانىڭ ۇلى ۇلتتىق جينالىسىنىڭ دەپۋتاتتارى رەجەپ شەكەر، شەنەل يەديلدىز جانە يۋكسەل وزقان، ازەربايجان رەسپۋبليكاسى ميللي ءماجىلىسىنىڭ دەپۋتاتى حيكمەت ماممادوۆ، تۇركپا باس حاتشىسى مەحمەت سۋرەيا ەر قاتىستى.