ءوندىرىستىڭ ءبىرىنشى كەزەڭىنىڭ قۇنى 25 ملرد تەڭگەنى قۇرايدى. كاسىپورىن قاراعاندى (شەت اۋدانى) جانە جامبىل (مويىنقۇم اۋدانى) وبلىستارىنىڭ شەكاراسىندا ورنالاسقان. زاۋىتتىڭ ءبىرىنشى كەزەڭىن پايدالانۋعا بەرۋ 2023 جىلدىڭ 3 توقسانىنا جوسپارلانعان.
بۇل جوبانىڭ ماقساتى - قۇرامىندا 99,99% مىس بار, تازا كاتودتى مىس الۋ ماقساتىندا مىس كەنىن قايتا وڭدەۋ بويىنشا زاماناۋي وندىرىستىك كاسىپورىن قۇرۋ. ءوندىرىس ءۇشىن نەگىزگى شيكىزات - مىس كەنى.
«بۇگىنگى تاڭدا ءبىزدىڭ وڭىرلىك وكىلدىگىمىزدىڭ كومەگىمەن وندىرىستىك وبەكتىلەردى (200 گا), ءۇيىندى شايمالاۋ ۋچاسكەسىن (1 گا), سۋارۋ القاپتارىن (84 گا), ۆاحتالىق كەنتتى (7 گا), كىرمە جولداردى (2 گا), سانيتارلىق-قورعاۋ ايماقتارىن (117 گا), بولاشاق فلوتاتسيالىق فابريكانىڭ (47 گا) جانە اۋماقتى كوگالداندىرۋ (105 گا) قاجەتتىلىكتەرى ءۇشىن جالپى اۋدانى 563 گا ينۆەستيتسيالىق الاڭ ءبولىندى. «تەحنولوگيالىق جابدىقتار مەن ونىڭ جيناقتاۋىشتارىن يمپورتتاۋ كەزىندە كەدەندىك باج سالىعىن سالۋدان بوساتۋ» پرەفەرەنتسياسى بويىنشا ينۆەستيتسيالىق جوبا جاسالدى», دەدى «KAZAKH INVEST» ۇك» اق جامبىل وبلىسى بويىنشا وڭىرلىك ديرەكتورى ارنولد گەرينگ.
بولاشاقتا وسى اۋماقتا ەكىنشى كەزەكتەگى ءوندىرىستى ورنالاستىرۋ جانە ونى كوگالداندىرۋ جوسپارلانىپ وتىر.
