«قازىر گەوساياسي جاعداي كۇردەلى ەكەنىن بىلەسىزدەر. الەمدەگى ەكونوميكالىق احۋال دا ءماز ەمەس. وسىنداي قيىن كەزەڭدە تۇركى الەمى ءوزارا ىنتىماقتاستىعىن نىعايتا ءتۇستى. بۇل – وتە دۇرىس قادام. ءبىزدىڭ ۇيىم سول ارقىلى حالىقارالىق دەڭگەيدە وزىندىك ورنى بار ەكەنىن كورسەتتى. ەلدەرىمىز ساياسي, ەكونوميكالىق جانە مادەني ىقپالداستىقتى جاڭا دەڭگەيگە كوتەرۋى قاجەت», دەدى پرەزيدەنت.
قاسىم-جومارت توقاەۆتىڭ ايتۋىنشا, بۇل - قازاقستاننىڭ سىرتقى ساياساتىنداعى باسىم باعىتتاردىڭ ءبىرى.
«بيىل قازان ايىندا كيەلى تۇركىستاندا ۇيىمنىڭ ونىنشى مەرەيتويلىق ءسامميتى وتەدى. سىزدەردى وسى القالى جيىنعا قاتىسۋعا شاقىرامىن. بۇدان بولەك, كۇزدە ۇيىمعا توراعالىق ەتۋ مىندەتى قازاقستانعا جۇكتەلەدى. سول كەزدە بىرقاتار ماڭىزدى ءىس-شارا ۇيىمداستىرىلاتىن بولادى», دەدى مەملەكەت باسشىسى.
