شەشىم بويىنشا, قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ دەپارتامەنتى 1998 جىلعى 18 اقپانداعى كەلىسىم بويىنشا «الماتى اۋىر ماشينا جاساۋ زاۋىتى» اق-نىڭ جارعىلىق كاپيتالىنىڭ 31,9% كولەمىندەگى اكتسيالارىن تەندەر جەڭىمپازى «تەمىر كون» جشس-عا 105 300 000 تەڭگەگە ساتقان.
ساتۋ كەلەسى شارتتار بويىنشا جۇزەگە اسىرىلدى (№1 كەلىسىم):
- اكتسيالاردىڭ مەملەكەتتىك پاكەتىن وتكىزۋ ءتارتىبى مەن شارتتارىن بەلگىلەدى;
- «تەمىر كون» جشس ساتىپ الۋشىسىنىڭ «الماتى اۋىر ماشينا جاساۋ زاۋىتى» اق قىزمەتىنىڭ بەيىنىن ساقتاۋ, 1997 جىلعى كولەمدەرمەن سالىستىرعاندا ءوندىرىس كولەمىن ساقتاۋدى جانە ۇلعايتۋدى قامتاماسىز ەتۋ, قىزمەتتى جۇزەگە اسىرۋ كەزىندە تەحنولوگيالىق جانە ەكولوگيالىق قاۋىپسىزدىك ستاندارتتارىن ەنگىزۋ مىندەتتەرى;
- كوميتەتتىڭ ساتۋشى رەتىندە «تەمىر كون» جشس ساتىپ الۋشىسىنىڭ شارت بويىنشا وزىنە العان مىندەتتەمەلەرىن قاجەتتى تەكسەرۋلەرمەن جانە قۇجاتتامانى تالاپ ەتۋمەن ورىنداۋىنا باقىلاۋدى جۇزەگە اسىرۋ قۇقىعى بەكىتىلگەن.
2007 جىلدىڭ 2 ساۋىرىندە «تەمىر كون» جشس بولات نازارباەۆقا «الماتى اۋىر ماشينا جاساۋ زاۋىتى» اق جارعىلىق كاپيتالىنىڭ 86,7812% كولەمىندەگى اكتسيالارىن ساتتى, ونىڭ 31,9% بۇرىن مەملەكەتتىك پاكەت بولاتىن.
2009 جىلعى 1 ساۋىردە كوميتەت, «تەمىر كون» جشس جانە بولات نازارباەۆ اراسىندا №1 شارتى بويىنشا مىندەتتەمەدەگى تۇلعالاردى وزگەرتۋ تۋرالى كەلىسىم جاسالدى, ونىڭ تالاپتارى بويىنشا اتالعان مىندەتتەمەلەر ورىندالماعان جاعدايدا بولات نازارباەۆ اكتسيالارىنىڭ مەملەكەتتىك پاكەتىن كوميتەتكە بەرۋگە مىندەتتى.
2009 جىلعى 2 ساۋىردە «الماتى اۋىر ماشينا جاساۋ زاۋىتى» اق-نىڭ 398 246 دانا كولەمىندەگى جاي اكتسيالارىن, ونىڭ ىشىندە مەملەكەتتىك اكتسيالاردىڭ 31,9%-ىن بولات نازارباەۆ №2 كەلىسىم بويىنشا «PLS-TM» جشس-نە ساتتى. بۇل كەلىسىمدە №1 شارتتىڭ ەرەكشە تالاپتارى جوق, ونىڭ ىشىندە «الماتى اۋىر ماشينا جاساۋ زاۋىتى» اق قىزمەت بەيىنىن ساقتاۋ, ءوندىرىس كولەمىن ۇلعايتۋ, كوميتەتتىڭ قابىلدانعان مىندەتتەمەلەردىڭ ورىندالۋىن باقىلاۋ قۇقىعى.
«فيرما باياۋ» جشس-ءنىڭ 2009 جىلعى «الماتى اۋىر ماشينا جاساۋ زاۋىتى» اق قىزمەتىنىڭ بەيىنىن ساقتاۋ جانە ءوندىرىس كولەمىن ۇلعايتۋ بويىنشا مىندەتتەمەلەرىن ورىنداماۋ تۋرالى قورىتىندىسىنا سايكەس, ماتەريالدىق-تەحنيكالىق بازانىڭ قاناعاتتانارلىقسىز جاعدايدا ەكەندىگى, ءوندىرىس كولەمىنىڭ تومەندەۋى, م ۇلىكتىك كەشەن مەن جەر ۋچاسكەسىن بولشەكتەۋ, ءۇشىنشى تۇلعالارعا ساتۋ جانە «الماتى اۋىر ماشينا جاساۋ زاۋىتى» اق, ونداعى عيماراتتار مەن قۇرىلىستاردى جالعا بەرۋ كورسەتىلگەن», دەلىنگەن سوت قاۋلىسىندا.
سوت شەشىمىمەن, بولات نازارباەۆتىڭ مەملەكەتتىك اكتسيالاردى ساتۋى زاڭ تالاپتارىنا سايكەس كەلمەيتىنى جانە ول №1 شارت تالاپتارىن ورىنداماعاندىقتان جارامسىز دەپ تانىلدى.
وسىلايشا, قازاقستان رەسپۋبليكاسى جوعارعى سوتىنىڭ سوت القاسى الماتى قالاسى اۋەزوۆ اۋداندىق سوتىنىڭ 2012 جىلعى 11 قىركۇيەكتەگى №2 قاۋلىسىنىڭ جانە اپەللياتسيالىق سوت القاسىنىڭ قاۋلىسىنىڭ كۇشىن جويۋ تۋرالى, «قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى» رمم-ءنىڭ تالاپ ارىزىن قاناعاتتاندىرۋ تۋرالى جاڭا شەشىم قابىلدادى.
«بولات نازارباەۆ پەن «PLS-TM» جشس اراسىندا 2009 جىلعى 2 ساۋىردەگى «الماتى اۋىر ماشينا جاساۋ زاۋىتى» اق-نىڭ جارعىلىق كاپيتالىنىڭ 31,9 پايىزىن قۇرايتىن جاي اتاۋلى اكتسيالارىن ساتۋ تۋرالى جاسالعان باعالى قاعازداردى ساتىپ الۋ-ساتۋ شارتى جارامسىز دەپ تانىلسىن. بولات نازارباەۆقا «الماتى اۋىر ماشينا جاساۋ زاۋىتى» اق-نىڭ جارعىلىق كاپيتالىنىڭ 31,9 % مولشەرىندەگى جاي اتاۋلى اكتسيالارىن قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتىنە بەرۋ ارقىلى مەملەكەت مەنشىگىنە قايتارۋ مىندەتتەلسىن», دەدى سوت.
