شاۆكات راحمونوۆ جاقىندا لاس-ۆەگاستا (اقش) وتكەن UFC 285 ارالاس جەكپە-جەك باسەكەسىندە جەڭىسكە جەتكەن ەدى. چەمپيونمەن اسحات ورالوۆ جەكە كەزدەستى. مينيستر بوكسشىنىڭ دايىندىعىنا قارجى بولىنەتىنىن ايتتى.
«بۇگىن قازاقستان سپورتىنىڭ جارقىن جۇلدىزدارىنىڭ ءبىرى - شاۆكات راحمونوۆپەن جەكە كەزدەستىم. ءبىزدىڭ جاۋجۇرەك سپورتشىمىز بىرىنەن سوڭ ءبىرى جەڭىسكە جەتىپ, UFC-ءدى باتىل قادامدارىمەن باعىندىرىپ, وتانداستارىنىڭ جۇرەگىنە ماقتانىش سەزىمىن سىيلاپ كەلەدى. مەن شاۆكاتتى جاقىندا امەريكالىق دجەفف نيلمەن بولعان جەكپە-جەكتە جەڭىسىمەن تاعى دا قۇتتىقتادىم جانە وعان العىس حات تابىستادىم. سونداي-اق ول كەلەسى جەكپە-جەكتەرگە دايىندالۋ ءۇشىن سپورتتى قولداۋ قورىنان قارجىلاندىرىلادى. شاۆكات بۇكىل الەمگە قازاقستاندى پاش ەتتى جانە وسى قادامى ءۇشىن ءبىز وعان ايرىقشا العىسىمىزدى جەتكىزەمىز. ونىڭ UFC چەمپيوندىق بەلبەۋىن جەڭىپ الۋىنا تىلەكتەسپىن, تولاعاي تابىس تىلەيمىن», دەپ جازدى مادەنيەت جانە سپورت ءمينيسترى.
ايتا كەتەيىك, شاۆكات راحمونوۆ دجەفف ءنيلدى جەڭگەننەن كەيىن UFC تۋرنيرىندە رەكوردتىق جەتىستىككە جەتتى.
