ايەلدەردىڭ زەينەتكە شىعۋ جاسى قاڭتار ايىندا 61 جاس بولىپ بەكىتىلگەن.
«2018 جىلدان باستاپ زاڭعا وزگەرىستەر ەنگىزىلگەن. بۇگىندە ول ايەلدەر 58 جاستان اسىپ كەتتى. قازىر ولاردىڭ سانى 500 مىڭنان استى. ەگەر ءبىز نورمانى قايتارساق, وندا سول ازاماتتاردىڭ ءبارىنىڭ زەينەتاقىسىن قايتا ەسەپتەۋىمىز كەرەك. قايتا ەسەپتەۋ زەينەتاقى مولشەرىنىڭ كوبەيۋىنە ەمەس, كەرىسىنشە, ازايۋىنا الىپ كەلەدى. وسىنداي تاۋەكەل بولماس ءۇشىن زەينەت جاسىن 61 جاس دۇرىس دەپ توقتالدىق», دەدى تامارا دۇيسەنوۆا.
ال وزگەرىستەر تەك 5 جىلدان كەيىن بولۋى مۇمكىن.
ەندى الداعى 5 جىل ىشىندە جالپى ازاماتتاردىڭ زەينەتكە شىعۋ جاسى ءومىر ءسۇرۋ ۇزاقتىعى مەن زەينەتاقىنىڭ دەڭگەيىنە بايلانىستى بولادى. سوندىقتان الداعى 5 جىلدا دەنساۋلىق ساقتاۋ سالاسىندا ۇلكەن ۇلتتىق جوبا جۇرگىزىلگەلى جاتىر. ونىڭ نەگىزگى ماقساتى – اۋىلداردا مەديتسينانى جاقسارتۋ, كوپسالالى اۋرۋحانالاردى كوبەيتۋ ياعني مامانداندىرىلعان مەديتسينالىق كومەكتى ازاماتتارعا جەتكىزۋ, تەلەمەديتسينا, ەرتە سكرينينگ سياقتى ماسەلەلەردى قاراستىرۋ. وسى جۇمىستاردىڭ ناتيجەسىندە ەر ادامدار مەن ايەلدەردىڭ ءومىر ءسۇرۋ جاسى ۇزارسا, وندا 2029 جىلدان كەيىن (زەينەت جاسىن ۇلعايتۋ ماسەلەسى – اۆت.) قايتا قارالادى. ەگەر جاعداي ءدال وسىلاي قالىپ, كەرىسىنشە ء(ومىر ءسۇرۋ جاسى) تومەندەسە, ارينە, ماسەلە قاراستىرىلادى», دەدى مينيستر.
