2023 جىلدىڭ اقپان ايىنان باستاپ ءىرى ينۆەستورلار ءۇشىن قازاقستاندا جاڭا جوبالاردى ىسكە قوسۋ جانە قولدانىستاعى جوبالاردى جاڭعىرتۋ مۇمكىندىكتەرى ەداۋىر كەڭەيتىلدى.
تۇزەتۋلەرگە سايكەس ۇكىمەتپەن ينۆەستيتسيالىق مىندەتتەمە تۋرالى كەلىسىم بەكىتۋدى جوسپارلاپ وتىرعان زاڭدى تۇلعالار ءۇشىن قىزمەتتىڭ باسىم تۇرلەرىنىڭ تىزبەسى الىنىپ تاستالدى. بۇل كەلىسىم بويىنشا 10 جىلعا دەيىنگى مەرزىمگە سالىق مولشەرلەمەسى بەلگىلەنەدى, ال ينۆەستور ونىڭ وتەۋى رەتىندە قوماقتى قاراجات سالۋعا, قانداي دا ءبىر ءوندىرىستى ىسكە قوسۋعا نەمەسە جاڭعىرتۋعا, قازاقستاندىق كادرلاردى وقىتۋعا جانە ت. ب. مىندەتتەلەدى.
تىيىم سالىنعان قىزمەت تۇرلەرىنىڭ ءتىزىمى انىقتالدى. ياعني, ەندى ءىرى كومپانيا نەمەسە كاسىپكەر بۇل تىزىمگە ەنگىزىلمەگەن كەز كەلگەن ينۆەستيتسيالىق باعىتتى ەركىن تاڭداپ, ۇكىمەتپەن ينۆەستيتسيالىق مىندەتتەمەلەر تۋرالى كەلىسىم جاساي الادى.
تىيىم سالىنعاندار ساناتىنا:
- اكتسيزدەلەتىن ونىمدەردىڭ كوتەرمە ساۋداسى جانە (نەمەسە) ءوندىرىسى;
- لوتەرەيا وتكىزۋ;
- ويىن بيزنەسى سالاسىنداعى قىزمەت جانە ت. ب. بارلىعى 14 تارماق جاتادى.
باسقا باعىتتار بويىنشا شەكتەۋلەر جوق.
