جاڭا الەۋمەتتىك كودەكس ازاماتتاردىڭ ءال-اۋقاتىن ارتتىرۋعا, سونداي-اق جۇيەنى الدىن الۋ شارالارى مەن الەۋمەتتىك تاۋەكەلدەردىڭ الدىن الۋعا قايتا باعدارلاۋعا باعىتتالعان. قۇجاتتا بالالى وتباسىلاردى الەۋمەتتىك قولداۋ, حالىقتى جۇمىسپەن قامتۋعا جاردەمدەسۋ شارالارى, تابىسى كەدەيلىك شەگىنەن تومەن وتباسىلارعا اتاۋلى الەۋمەتتىك كومەك, مۇگەدەكتىگى بار ادامداردى الەۋمەتتىك قورعاۋ جانە باسقا ماسەلەلەر كورسەتىلگەن.
كودەكسكە ىلەسپە زاڭ جوبالارىنىڭ مىندەتى – وسى سالاداعى نورماتيۆتىك قۇقىقتىق بازاعا ماڭىز بەرۋ جانە رەفورمالاۋ بولىپ سانالادى. جوعارىدا اتالعان ەرەجەلەردى ىسكە اسىرۋ ءبىر مەزگىلدە 9 كودەكس پەن 41 زاڭعا وزگەرىستەر مەن تولىقتىرۋلار ەنگىزۋدى تالاپ ەتەدى. سونىمەن قاتار بىرقاتار قۇجاتتاردا زەينەتاقىمەن قامسىزداندىرۋ, مىندەتتى الەۋمەتتىك ساقتاندىرۋ, ارنايى مەملەكەتتىك قىزمەتتەر جانە تاعى باسقالارى تۋرالى زاڭناماعا سىلتەمە نورمالارىن وزگەرتۋ ماسەلەلەرى قاراستىرىلعان.
