«قازاقستان تەمىر جولى» ۇك» اق ينتەرنەت-دۇكەندەردەن ساتىپ الىنعان تاۋارلاردى اپتا سايىن تاسىمالدايتىن ترانزيتتىك پويىز ىسكە قوسىلعانىن حابارلادى.
«ينتەرنەت ارقىلى ساتىپ الىنعان تاۋارلارى بار تۇراقتى ترانزيتتىك شاتتل-پويىز ءۇرىمشى (قحر) باعىتى بويىنشا الاشاڭقاي – دوستىق شەكارالىق وتكەلى ارقىلى رەسەي باعىتىندا, سونداي-اق وزبەكستان مەن تاجىكستانعا قاتىنايتىن بولادى. تاسىمالداۋ ۇيىمداستىرۋشىسى – KTZ Express «Atasu Logistics» جشس. جۇكتى مەجەلى ستانتسياعا جەتكىزۋ مەرزىمى 7-10 كۇندى قۇرايدى. تۇراقتى قىزمەت كورسەتۋ جيىلىگى – اپتا سايىن. بولاشاقتا تاسىمالداۋ كولەمى ۇلعايسا, شاتتلداردى جونەلتۋ جيىلىگى دە ۇلعايادى», دەلىنگەن قتج ءباسپاسوز قىزمەتى تاراتقان حابارلامادا.
