بۇل تۋرالى ۇلتتىق بانك توراعاسى عالىمجان ءپىرماتوۆ ۇكىمەت وتىرىسىندا ايتتى. وسىلايشا, ايلىق ينفلياتسيا قۇبىلمالى بولىپ تۇر جانە 5 جىلدا ورتاشا جىلدىق ماننەن اساتىن دەڭگەيدى قۇراپ وتىر. جىلدىق ماندە اقپان ايىنداعى ينفلياتسيا 21,3%-عا جەتتى.
«ۇلتتىق بانك اقپان ايىندا كەزەكتى بولجامدى راۋندتى اياقتادى. جاڭا دەرەكتەر مەن سىرتقى جانە ىشكى فاكتورلاردى ەسكەرە وتىرىپ, ينفلياتسيا بولجامى بيىل 9-12%-عا دەيىن, 2024 جىلى 6-8%-عا دەيىن قايتا قارالدى, 2025 جىلى وزگەرىسسىز – 4-6% دەڭگەيىندە ساقتالدى», دەدى عالىمجان ءپىرماتوۆ.
ونىڭ سوزىنشە, گەوساياسي جاعدايدىڭ سالدارىنان جانە ونىڭ بەلگىسىزدىگىنەن, سونىمەن بىرگە ازىق-ت ۇلىكتىڭ الەمدىك باعاسىنىڭ جوعارى بولۋىنان سىرتقى پروينفلياتسيالىق فاكتورلار ءالى دە ساقتالىپ وتىر.
بيىل 24 اقپاندا ۇلتتىق بانك بازالىق مولشەرلەمەنى 16,75% دەڭگەيىندە ساقتاۋ تۋرالى شەشىم قابىلدادى.
سونداي-اق عالىمجان ءپىرماتوۆ 2023 جىلدىڭ ءبىرىنشى جارتىجىلدىعىندا بازالىق مولشەرلەمەنى قازىرگى مانىندە ساقتاۋ ينفلياتسيانى تۇراقتاندىرۋعا ىقپال ەتىپ, ونى ورتا مەرزىمدى پەرسپەكتيۆادا تارگەتتەلەتىن دەڭگەيگە دەيىن بىرتىندەپ تومەندەتۋگە كومەكتەسەتىنىن ايتتى.
