«اكۋشەرلىك تاجىريبەدە سالماعى 4-5 كەلى بولاتىن نارەستە «الىپ ءسابي» بولىپ سانالادى. التى كەلى نەمەسە ودان دا كوپ بالا سيرەك كەزدەسەدى», دەپ اتاپ ءوتتى پەريناتالدىق ورتالىق.
قازىرگى تاڭدا انا مەن بالانىڭ جاعدايى جاقسى. اۋليەكولدەگى ۇيىندە ايارۋدى اكەسى, اعاسى جانە اپكەسى كۇتىپ وتىر.
«انامنىڭ بوسانۋى جوسپار بويىنشا, كەسار تىلىگى ارقىلى ءوتتى. جاڭا تۋعان نارەستە ەكى كۇن جانساقتاۋ بولىمىندە جاتتى. قازىر ونىڭ ومىرىنە قاۋىپ ءتونىپ تۇرعان جوق. بۇگىندە اناسى مەن ءسابيى وزدەرىن جاقسى سەزىنەدى. قىزعا ايارۋ ەسىمى قويىلدى», دەدى دارىگەرلەر.
ايگەرىم دولداشەۆا پەريناتالدىق ورتالىق دارىگەرلەرىنە العىسىن ءبىلدىردى.
