جەرەبە قورىتىندىسى بويىنشا قازاقستان قۇراماسى ىرىكتەۋ تۋرنيرىندە 1-توپقا تۇسكەن بولاتىن. قارسىلاستارى – پولشا, مولدوۆا جانە سلوۆەنيا. توپ جەڭىمپازى 4-11 قىركۇيەك ارالىعىندا حورۆاتيادا وتەتىن ەۋروپا چەمپيوناتىنىڭ فينالدىق كەزەڭىنە جولداما الادى.
قازاقستان جاسوسپىرىمدەرىن الداعى ىرىكتەۋ ويىندارىنا ۇلتتىق قۇرامانىڭ باس باپكەرى ريكاردو كاكا باستاپ بارادى. جاتتىقتىرۋشىلار شتابى 13-20 ناۋرىز ارالىعىندا الماتىدا وتەتىن وقۋ-جاتتىعۋ جيىنىنا شاقىرىلعان ويىنشىلاردىڭ ءتىزىمىن جاريالادى.
تىزىمگە 17 ويىنشى ەندى:
قاقپاشىلار: راۋان سيسەنعاليەۆ («راحمەت»), دەنيس شولۋباي («قايرات»), ەميل نيگماتزيانوۆ («تۇلپار»);
الاڭداعى ويىنشىلار: باتىرحان كەنجەعالي, دامير قايىرباي (ەكەۋى دە - «اقتوبە»), ارتەم چەرنەنكو, اباي قابدەشوۆ, يۆان ماراحوۆ (بارلىعى - «ايات»), الماز ماكسۋتوۆ, الىشەر نۇرين (ەكەۋى دە - «بايتەرەك»), جايىق قۇدايبەرگەن, الەكساندر دەريابين, مەيىرجان كەشۋباەۆ (بارلىعى - «قايرات»), رۋسلان ۇرگەنىشباەۆ («راحمەت»), ولجاس كالگۋجينوۆ, گەورگي كالاچەۆ, تيمۋر مالىبەكوۆ (بارلىعى - «تۇلپار»);
جاتتىقتىرۋشىلار شتابى: ريكاردو كاكا – باس باپكەر, اسلان سماقوۆ – باس باپكەردىڭ كومەكشىسى, گوردەي يانوۆ – قاقپاشىلاردىڭ جاتتىقتىرۋشىسى;
