بۇل تۋرالى پارلامەنتتىك ساۋالعا جاۋاپ رەتىندە پرەمەر-مينيستر ءاليحان سمايىلوۆ مالىمدەدى.
ونىڭ ايتۋىنشا, قازىرگى ۋاقىتتا اكىمشىلىك قۇقىق بۇزۋ تۋرالى كودەكسكە وزگەرىستەر ەنگىزىلىپ جاتىر. وزگەرىستەر مىندەتتى تەحنيكالىق بايقاۋ سالاسىنداعى زاڭدى بۇزعانى ءۇشىن جاۋاپكەرشىلىكتى كۇشەيتۋگە باعىتتالعان.
«وسىلايشا, كولىك قۇرالىنسىز تەحنيكالىق بايقاۋ جۇرگىزگەنى ءۇشىن جازا كۇشەيتۋ كوزدەلەدى. جالعان تەحنيكالىق بايقاۋ قۇجاتىن جاساتقانى ءۇشىن اۆتوكولىك يەلەرىنە سونداي-اق جالعان قۇجاتتى جاساپ بەرگەندەرگە دە ايىپپۇل قاراستىرىلعان», دەدى سمايىلوۆ.
