بۇل تۋرالى جەتىسۋ وبلىستىق سوتىنىڭ رەسمي وكىلى نۇرسۇلتان ورىنباساروۆ حابارلادى.
«تالدىقورعان قالالىق سوتىنىڭ ءباسپاسوز قىزمەتى ءمالىم ەتكەندەي, سوتتالۋشى اۋرۋحاناعا تۇسكەنىنە بايلانىستى سوت وتىرىسى كەلەسى اپتاعا شەگەرىلدى. كۇدەباەۆتىڭ قانداي دياگنوزبەن اۋرۋحاناعا تۇسكەنى ايتىلمايدى», دەدى ول.
ەستەرىڭىزگە سالا كەتەيىك, وتكەن جىلدىڭ 18 اقپانىندا سەرىك قۇدەباەۆ الماتى وبلىسى پوليتسيا دەپارتامەنتىنىڭ باستىعى قىزمەتىنەن بوساتىلىپ, ىشكى ىستەر ورگانىنان ءوز ەركىمەن كەتكەن. سول جىلدىڭ مامىر ايىندا ول قاڭتار وقيعاسىنا قاتىستى كۇدىكتى دەپ تانىلدى.
ماجىلىستە قاڭتارداعى وقيعا تۋرالى «قانتار وقيعاسى: دەرەك پەن دايەك» اتتى بەينەروليك كورسەتىلگەن ەدى. كادردا سول كەزدەگى الماتى وبلىسىنىڭ پوليتسيا باستىعى قىزمەتىن اتقارعان سەرىك كۇدەباەۆ پەن ونىڭ ارىپتەستەرى پوليتسيا دەپارتامەنتىنىڭ عيماراتىن تاستاپ كەتىپ بارا جاتقانى انىق كورىنەدى.
بۇعان دەيىنگى سوتتا پروكۋرور ايىپتالۋشىنى 9 جىلعا باس بوستاندىعىنان ايىرۋدى سۇراعان.
