«م.بەكتانوۆ قازاقستان رەسپۋبليكاسى قىلمىستىق كودەكسىنىڭ 451-بابىنىڭ 3-بولىگى بويىنشا قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ 24.02.2023 جىلعى ۇكىمىمەن سوتتالدى. وعان ەڭ جوعارى قاۋىپسىزدىك قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ, 12 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى», دەلىنگەن سوتتىڭ ءباسپاسوز قىزمەتى تاراتقان حابارلامادا.
ايتا كەتسەك, قىلمىستىق ءىس «قۇپيا» تۇردە قارالدى. وسىعان بايلانىستى ەگجەي-تەگجەيلى اقپارات بەرىلگەن جوق.
وتكەن جىلدىڭ قاڭتارىندا بولعان تارتىپسىزدىك كەزىندە ەكس-مينيستر زاڭسىز بۇيرىق بەرگەنى حابارلانعان ەدى.
2022 جىلدىڭ 21 اقپانىندا بۇرىنعى قورعانىس ءمينيسترى مۇرات بەكتانوۆ ۇستالىپ, ۋاقىتشا ۇستاۋ يزولياتورىنا قامالعان.
