8 ناۋرىز كۇنگى ساعات 8:00-دەگى جاعداي بويىنشا, جىلدامدىعى 27 م/س دەيىنگى ەكپىندى جەلدىڭ سالدارىنان (قازگيدرومەت دەرەكتەرى بويىنشا) 2 ەلدى مەكەندەگى عيماراتتىڭ شاتىرى ۇشىپ كەتكەن.
ساعات 4:15-تە باياناۋىل اۋدانى جاڭاتىلەك اۋىلىنداعى مەكتەپتىڭ شاتىرىن جەل ۇشىرىپ كەتكەن.
ساعات 6:30-دا پاۆلودار قالاسى كاتاەۆ كوشەسى 18 مەكەنجايىنداعى 4 قاباتتى اكىمشىلىك عيماراتتىڭ 1440 شارشى مەتر كولەمىندە شاتىرى قۇلاعان.
«بۇندا شاتىردىڭ سوڭعى جوندەۋ جۇمىستارى 1980 جىلى جۇرگىزىلگەن. 2022 جىلعى جوندەۋ جۇمىسى اياقتالماعان», دەدى دەپارتامەنتتەگىلەر.
سونىمەن قاتار قاتتى جەل سالدارىنان 2 اۋداندا ەلەكتر قۋاتى اجىراتىلىپ قالدى.
ماي اۋدانىندا 5 ەلدى مەكەندە (باسكول, كەنتۋبەك, مايتۇبەك, اقجار جانە ءىشىنارا كوكتوبە اۋىلدارى) جارىق ءوشتى. ابونەنتتەر سانى ناقتىلانۋدا. اپاتتى جويۋعا اۋداندىق ەلەكتر ستانتسياسىنىڭ قىزمەتكەرلەرى (12 ادام, 3 بىرلىك تەحنيكا) جۇمىلدىرىلدى.
اققۋلى اۋدانىندا 16 ەلدى مەكەندە (بەسقاراعاي, جامبىل, جاڭاتان, ايتەي, شارباقتى, توساعاش, جاباعىلى, قازى, مالىباي, قازانتاي, مايقاراعاي مەرعالىم, شاق, شوقتال; ءىشىنارا اققۋلى جانە يامىشەۆو اۋىلدارىندا.) جارىق ءوشتى. ابونەنتتەر سانى ناقتىلانۋدا. اپاتتى جويۋعا لرەس (10 ادام, 2 بىرلىكتەحنيكا) جۇمىلدىرىلدى.
