مادەنيەت, تىلدەردى دامىتۋ جانە مۇراعات ءىسى باسقارماسىنىڭ باسشىسى دوسبول ءابدىرىسوۆ بريفينگتە قويمالاردىڭ جۇكتەمەسىنە بايلانىستى مۇراعات مەكەمەلەرىنىڭ ينفراقۇرىلىمىن جاقسارتۋ ماسەلەسى ءبىرىنشى كەزەكتە تۇرعانىن اتاپ ءوتتى.
«ونەركاسىپكە مۇراعاتتار ءۇشىن زاماناۋي تيپتىك عيماراتتار سالۋ نەمەسە بوساتىلعان مەملەكەتتىك م ۇلىك ەسەبىنەن بوس ءۇي-جايلاردى ءبولۋ قاجەت. سوڭعى ءۇش جىلدا ءبىز قىزىلجار جانە ەسىل اۋداندارىنىڭ مۇراعات فيليالدارىنا عيماراتتار ساتىپ الدىق. قازىر قالالىق مۇراعات پەن ءۋاليحانوۆ اۋدانىنا ءۇي-جاي ءبولۋ ماسەلەسى قاراستىرىلىپ جاتىر», دەدى دوسبول ءابدىرىسوۆ.
وبلىستىق مۇراعاتتار جىلىنا 30 مىڭنان استام مەملەكەتتىك قىزمەت كورسەتەدى.
«ارحيۆ سالاسى تاريحي-مادەني مۇرانى ساقتاۋ, دامىتۋ جانە ناسيحاتتاۋدا ماڭىزدى ءرول اتقارادى جانە عىلىمي-زەرتتەۋ قىزمەتىنىڭ ورتالىق بۋىنى بولىپ ەسەپتەلەدى. سونىڭ ءبىر دالەلى – تاريحي تۇلعالاردىڭ ۇمىت بولعان ەسىمدەرىن جاڭعىرتۋ, ساياسي قۋعىن-سۇرگىن قۇرباندارىن اقتاۋ, تاريحي ورىنداردى قالپىنا كەلتىرۋ جۇمىستارى جۇرگىزىلىپ جاتىر. بيىل مۇراعات سالاسىنا 100 جىل تولىپ وتىر. ارحيۆشىلەردىڭ رەسپۋبليكالىق فورۋمى مەن «ارحيۆ – التىن قازىنا» حالىقارالىق كونفەرەنتسياسىن وتكىزۋ جوسپارلانىپ جاتىر», دەپ قوستى دوسبول ءابدىرىسوۆ.
وبلىستا 14 فيليالى بار ءبىر مەملەكەتتىك مۇراعات بار, ونىڭ قورىندا 1,7 ميلليوننان استام قۇجات بار.
