كەڭەسكە قاتىسۋشىلار «سايرام» ەلدى مەكەنىندە سۋمەن جابدىقتاۋ وبەكتىلەرىن, الماتى تاس جولى بويىنداعى «تۇران» ماگيسترالدىق كارىز كوللەكتورىن سالۋ جانە قالانىڭ كولىك ينفراقۇرىلىمىن جاڭعىرتۋ ماسەلەلەرىن تالقىلادى. ماسەلەن, وسى جىلدىڭ وزىندە 11 شاقىرىمنان استام اۆتوجولداردى جوندەۋ جۇمىستارىن جۇرگىزۋ جوسپارلانىپ وتىر.
ينجەنەرلىك ينفراقۇرىلىمدى جاڭارتۋ بويىنشا 2023 جىلى ۇزىندىعى 9 شاقىرىم جىلۋمەن جابدىقتاۋ جەلىلەرىنىڭ ابدەن توزىعى جەتكەن جەرلەرىن رەكونسترۋكتسيالاۋ باستالادى. بۇدان باسقا اكىمدىك سپورتيۆنىي شاعىن اۋدانىنداعى قازاندىقتى رەكونسترۋكتسيالاۋدى جانە جاڭا سورعى ستانتسياسىنىڭ قۇرىلىسىن جوسپارلاپ وتىر.
الداعى ەكى جىلدا كوپ قاباتتى تۇرعىن ۇيلەر سالۋ بويىنشا دا قاجەتتى شارالار قابىلدانادى. ولاردىڭ قاتارىندا بوزارىق (1 640 پاتەر) جانە اقجايىق (780 پاتەر) شاعىن اۋداندارى بار. سونىمەن قاتار وسى جىلدىڭ سوڭىنا دەيىن «وتباسى بانكى» جەلىسى بويىنشا ءتيىمدى مولشەرلەمەمەن كرەديتتىك تۇرعىن ءۇي بەرۋ جالعاسادى, اتاپ ايتقاندا, جىل سوڭىنا دەيىن 1 مىڭنان استام پاتەر تاپسىرىلماق.
بايانداماشىلاردىڭ ەسەپتەرىن تىڭداي كەلە, پرەمەر-مينيستر شىمكەنتتىڭ ودان ءارى الەۋمەتتىك-ەكونوميكالىق دامۋى ءۇشىن بەلگىلەنگەن جوسپارلاردى ساپالى جانە ۋاقىتىلى ىسكە اسىرۋدىڭ ماڭىزىن اتاپ ءوتتى.
