گيدروقۇرىلىس 1966 جىلى سالىنعان. سودان بەرى ول جەر سۋارۋ ءۇشىن پايدالانىلادى. سۋ قويماسىندا 75 ملن تەكشە مەتر سۋ جينالادى جانە 4 ماگيسترالدى كانال بار.
«قازسۋشار» رمك شىعىس قازاقستان فيليالىنىڭ ديرەكتورى نۇرجان ءامىرجانوۆتىڭ ايتۋىنشا, نىسان 2018 جىلدان بەرى اپاتتىق جاعدايدا تۇر. ويتكەنى 2016 جىلى باستالعان قايتا جاڭارتۋ جۇمىستارى تەكسەرۋ كەزىندە انىقتالعان جوبالىق سايكەسسىزدىكتەرگە بايلانىستى توقتاتىلعان.
جوبالىق-سمەتالىق قۇجاتتامانى تۇزەتۋ بويىنشا ءوتىنىم قارجى مينيسترلىگىنىڭ قاراۋىندا. جوبانىڭ شەكتى قۇنى – 2,3 ملرد تەڭگە. رەسپۋبليكالىق بيۋدجەتتەن 1,9 ملرد تەڭگە قاجەت.
ۇلتتىق ەكونوميكا ءمينيسترى ۇيدەنە سۋ قويماسىنىڭ زايسان اۋدانى ءۇشىن ستراتەگيالىق ماڭىزى زور ەكەنىن جانە بۇل ماسەلە قارجى مينيسترلىگىمەن بىرلەسىپ قارالاتىنىن اتاپ ءوتتى. ال ءمينيستردىڭ ءوزى بۇل نىساندى مەملەكەت مەنشىگىندە قالۋى كەرەك دەپ سانايدى.
سونىمەن قاتار شەكارا ماڭىنداعى اۋدانداردى دامىتۋ ماسەلەسى دە كوتەرىلدى. بۇل ماسەلەگە مينيسترلىك ازىرلەگەن قازاقستان رەسپۋبليكاسىنىڭ اۋىلدىق اۋماقتارىن دامىتۋدىڭ 2023-2027 جىلدارعا ارنالعان تۇجىرىمداماسى شەڭبەرىندە ەرەكشە نازار اۋدارىلادى, دەدى مينيستر.
ءا.قۋانتىروۆ شىعىس قازاقستان وبلىسىنا جاساعان جۇمىس ساپارى اياسىندا ريددەر قالاسىنا باردى. شاعىن شاھاردىڭ تۇرعىندارى الەۋمەتتىك نىساندار, سپورت كەشەنى, جالعا بەرىلەتىن تۇرعىن ءۇي جانە مەملەكەتتىك تىلدە وقىتاتىن مەكتەپ قۇرىلىسىنا قاتىستى ماسەلەلەردى كوتەردى.
ۇلتتىق ەكونوميكا ءمينيسترى بۇل ماسەلەلەردىڭ بارلىعىن جەرگىلىكتى اتقارۋشى ورگاندارمەن جانە مۇددەلى مينيسترلىكتەرمەن بىرلەسىپ قاراۋعا دايىن ەكەنىن اتاپ ءوتتى. ماسەلەلەر كەزەڭ-كەزەڭىمەن شەشىلەتىن بولادى.
– ريددەر – دامىپ كەلە جاتقان مونوقالالاردىڭ ءبىرى. ول ءوزىنىڭ گەوگرافيالىق ورنالاسۋىمەن ەرەكشە. الەۋەتى ۇلكەن. ادامي كاپيتالدىڭ ساپاسى جوعارى. ەلىمىزدىڭ وڭىرلىك دامۋىنا جاۋاپتى ۇلتتىق ەكونوميكا مينيسترلىگى مونوقالالاردى دامىتۋ بويىنشا بەلسەندى جۇمىس جۇرگىزىپ جاتىر. ينجەنەرلىك جانە كولىكتىك ينفراقۇرىلىمدى جاڭعىرتۋعا, سونداي-اق مونوقالالارداعى حالىقتىڭ ءومىر ءسۇرۋ دەڭگەيىنە ەرەكشە نازار اۋدارىلدى», دەدى مينيستر.
شىعىس قازاقستان وبلىسىنىڭ اكىمى دانيال احمەتوۆتىڭ ايتۋىنشا, ريددەر قالاسىندا سپورت نىسانىن سالۋ ءۇشىن بەكىتىلگەن قۇجاتتاما بار. قولدانىستاعى باعدارلامالار شەڭبەرىندە قولداۋ قاجەت. بيۋدجەتتىك ءوتىنىم جىبەرىلەدى.
«مەكتەپكە كەلسەك, «شاڭىراققا» 60 ملن تەڭگە بولدىك. بۇل – 590 ورىندىق مەكتەپ. ءالى دە 160 ورىن بار. بيىل 600 ورىندىق جاڭا مەكتەپ اشتىق, ونىڭ 300-ءى قازاق تىلىندە. جاڭا مەكتەپتىڭ قۇرىلىسىن باستاپ جاتىرمىز, ول قازاقتىلدى بولادى. قازىردىڭ وزىندە قاجەتتىلىكتى جاۋىپ وتىرمىز. ودان ءارى دە دامۋ ديناميكاسىن ساقتايمىز», دەدى وبلىس اكىمى.
سونىمەن قاتار ۇلتتىق ەكونوميكا ءمينيسترى اۋىسىمىنا 500 كەلۋشىگە ارنالعان 140 توسەكتىك كوپسالالى اۋرۋحانا كەشەنىنىڭ قۇرىلىسىمەن تانىستى. جالپى سمەتالىق قۇنى – 26,6 ملرد تەڭگە. جوبانى اياقتاۋ ءۇشىن رەسپۋبليكالىق بيۋدجەتتەن قارجىلاندىرۋ قاجەت. بۇل ماسەلە ءتيىستى ۆەدومستۆولارمەن پىسىقتالاتىن بولادى.
قۇرىلىس جۇمىستارىن اياقتاۋ كەلەسى جىلعا جوسپارلانعان.
شىعىس قازاقستان وبلىسى
