وتىرىستا دارىلىك زاتتاردى تسيفرلىق تاڭبالاۋ جانە قاداعالاۋ جوباسىن ەنگىزۋگە قاتىستى بىرقاتار ماسەلە تالقىلاندى. سپيكەرلەر جۇيەنىڭ مۇمكىندىكتەرىن اشىپ ايتتى – ءوندىرۋشىنىڭ زاۋىتىنان باستاپ سوڭعى تۇتىنۋشىعا ساتۋعا دەيىن تاۋار تۋرالى اقپارات تولىقتاي كورسەتىلدى. تاۋارلاردى تاڭبالاۋ مەن قاداعالاۋدىڭ وتاندىق جۇيەسىندە قولدانىلاتىن شەت مەملەكەتتەردىڭ تاجىريبەسى مەن ۇزدىك شەشىمدەرى ۇسىنىلدى.
سونداي-اق وتىرىستا سپيكەرلەر تاۋارلاردى تاڭبالاۋدىڭ جانە قاداعالاۋدىڭ تسيفرلىق ارحيتەكتۋراسىن تالقىلادى جانە دەنساۋلىق ساقتاۋ مينيسترلىگىنىڭ جۇيەلەرىن (پوۆ جانە دلو) بىرىڭعاي وپەراتوردىڭ تاڭبالاۋ جانە قاداعالاۋ اقپاراتتىق جۇيەسىمەن بىرىكتىرۋ بويىنشا الدىن الا جوسپارلار ازىرلەدى.
قاتىسۋشىلار ءدارى-دارمەك وندىرۋشىلەردىڭ شىعىندارىن وتەۋ بولىگىندە وتاندىق وڭدەلگەن تاۋارلاردى, جۇمىستار مەن قىزمەتتەردى ىشكى نارىققا جىلجىتۋعا باعىتتالعان سالانى مەملەكەتتىك ىنتالاندىرۋ قاجەتتىلىگىن تالقىلادى. وعان قوسا, وتىرىستا وبلىستار مەن رەسپۋبليكالىق ماڭىزى بار قالالاردىڭ اكىمدىكتەرىنە وبلىستار مەن رەسپۋبليكالىق ماڭىزى بار قالالاردىڭ مەديتسينالىق ۇيىمدارىن تاڭبالانعان دارىلىك زاتتارمەن جۇمىس ىستەۋگە قاجەتتى قۇرال-جابدىقتارمەن قامتاماسىز ەتۋدى تاپسىرۋ تۋرالى شەشىم قابىلداندى.
كەزدەسۋ ناتيجەسىندە تاراپتار 2024 جىلدىڭ 1 شىلدەسىنە دەيىن دارىلىك زاتتاردى 100 پايىز تاڭبالاۋ جانە قاداعالاۋدى ىسكە قوسۋ تۋرالى كەلىسىمگە قول جەتكىزدى.
بىرىڭعاي وپەراتوردىڭ مالىمەتىنشە, قازاقستاندا مىندەتتى تاڭبالاۋ ەنگىزىلگەن ساتتەن باستاپ بۇگىنگى كۇنگە دەيىن 69,1 مىڭ تابيعي جۇننەن جاسالعان بۇيىم, 3,3 ملرد تەمەكى ءونىمى, 102,4 ملن اياقكيىم تاۋارى تاڭبالانعان. ساراپشىلار جوبانىڭ جۇزەگە اسۋ ۇدەرىسىن تەجەيتىن بىرقاتار ماڭىزدى تۇستار دا بار ەكەنىن ايتادى. ولار نەگىزىنەن اقپاراتتىق تاڭبالاۋ جۇيەسىنىڭ تەحنيكالىق پروبلەمالارى مەن كەمشىلىكتەرى. بۇعان قاراماستان, وتاندىق اياقكيىم وندىرۋشىلەرىنىڭ وكىلدەرى تاۋارلاردى مىندەتتى تۇردە تاڭبالاۋدى بيزنەستىڭ مۇددەلەرىنە ساي دەپ سانايدى.
«وتاندىق بيزنەس وكىلدەرى رەتىندە ءبىز تاۋارلاردى مىندەتتى تۇردە تاڭبالاۋدى قولدايمىز, ويتكەنى بۇل وتاندىق ءوندىرۋشىنىڭ مۇددەلەرىن قولدايدى, باسەكەلەستىك ءۇشىن تەڭ جاعداي جاسايدى. ەگەر تەحنيكالىق پروبلەمالار بولسا, ولاردى شەشۋ كەرەك. ءبىز تاڭبالاۋ جۇيەسىن ەنگىزۋ ۇدەرىسىنە قاتىسۋعا دايىنبىز», دەيدى «Qaz Textile Industry» جەڭىل ونەركاسىپ كاسىپورىندارىنىڭ ۇلتتىق بىرلەستىگىنىڭ وكىلى انار قايىرجانوۆا.
پرەمەر-ءمينيستردىڭ ءبىرىنشى ورىنباسارى – ساۋدا جانە ينتەگراتسيا ءمينيسترى سەرىك جۇمانعاريننىڭ ايتۋىنشا, تاۋارلاردى تاڭبالاۋ جوباسىن ەنگىزۋدىڭ نەگىزگى مىندەتى – تاۋارلاردىڭ ەركىن جانە زاڭدى اينالىمىن, اشىقتىعىن قامتاماسىز ەتۋ. بۇل رەتتە سالالىق ۆەدومستۆو مۇددەلى قاتىسۋشىلارمەن ءاربىر تاۋار توبى بويىنشا بارلىق ماسەلەنى تالقىلاپ, قاراستىرۋعا دايىن.
ايتا كەتەلىك, ەلىمىزدە كولەڭكەلى نارىققا قارسى كۇرەس قۇرالى رەتىندە تاۋارلاردى تسيفرلىق تاڭبالاۋ جانە قاداعالاۋ 2018 جىلى باستالدى. 2022 جىلعى 4 قازانداعى جاعداي بويىنشا 4 تاۋار توبى بويىنشا مىندەتتى تاڭبالاۋ ەنگىزىلدى: ءۇلبىر مەن تەمەكى بۇيىمدارى, اياقكيىم جانە دارىلىك زاتتار. قۇرامىندا قانتى بار قاپتالعان سۋسىندار مەن زەرگەرلىك بۇيىمداردى تاڭبالاۋ بويىنشا قاناتقاقتى جوبالار ىسكە اسىرىلىپ جاتىر.
