28 اقپان كۇنى اتىراۋ وبلىسى پد قىزمەتكەرلەرى «قارۋ» جەدەل-پروفيلاكتيكالىق ءىس-شاراسى كەزىندە اقساي ەلدىمەكەنى تۇسىنداعى جايىق وزەنىنىڭ جاعالاۋىندا قاڭتار وقيعاسى كەزىندە ۇرلانعان قارۋ-جاراقتىڭ ساقتالعان جەرىن انىقتاعان.
تەكسەرۋ كەزىندە اتىراۋ وبلىسى پد جىلدام قيمىلدايتىن ارنايى جاساعىنا تيەسىلى فورت-500م مىلتىعى, ءۇش 12 مم كاليبرلى پاترون, ەكى گسز دك-130 سگ گراناتا, ءبىر پر 54 رەزەڭكە تاياقشا جانە جەكە قورعانىس قۇرالدارى, وق وتپەيتىن كەۋدەشە, كاسكالار تابىلىپ, تاركىلەندى.
اتالعان دەرەك بويىنشا قر قك-ءنىڭ 287-بابىنىڭ 2-بولىگىمەن قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ جۇمىستارى باستالدى. وزگە اقپارات قىلمىستىق-پروتسەستىك كودەكستىڭ 201-بابىنا سايكەس جاريالانۋعا جاتپايدى.
